| 章節 | 現代台語漢字2021版經文 |
| 8:1 | 你若是我的兄弟，
𠲿過阮老母的奶，毋知偌好！ 按呢，我佇外面抵著你，及你唚嘴， 就無人會看輕我。 |
| 8:2 | 我會導你入去阮老母的厝，
伊會教示我； 我會互你飲調和的酒及石榴的汁。 |
| 8:3 | 你用倒手扶我的頭殼，
用正手攬我。 |
| 8:4 | 耶路撒冷的查某囝仔啊，
我懇切給恁吩咐， 毋通拍醒，毋通攪擾阮的愛情， 到阮歡喜滿足。 |
| 8:5 | (耶路撒冷的查某囝仔) 對曠野上來， 撐佇伊親愛的的身軀彼個是啥人？ |
| 8:6 | (女) 我佇蘋果樹腳給你叫醒； 你的老母佇遐懷孕， 佇遐經過催陣的痛苦生你。 互我親像印，蓋佇你的心內； 親像印，頓佇你的手骨。 因為愛情親像死赫呢有力， 情熱親像陰府赫呢強烈， 所發出的炎熱親像火焰， 親像極猛烈的火焰。 |
| 8:7 | 大水𣍐當拍化愛情；
溪水𣍐當給伊消滅。 人若用伊所有的財產來買愛情， 一定互人藐視。 |
| 8:8 | (女的兄弟) 阮有一個細漢小妹，伊的奶猶未發育成熟； 人來提親， 阮著按怎給伊設法？ |
| 8:9 | 伊若是牆，阮欲佇伊的頂面起銀塔；
伊若是門，阮欲用柏香柴板給伊圍起來。 |
| 8:10 | (女) 我是牆，我的奶親像兩個塔； 我親愛的一下看著我，就心滿意足。 |
| 8:11 | (男) 所羅門佇巴力‧哈們有一坵葡萄園； 伊將此坵葡萄園租互顧守的人； 𪜶逐個人為著𪜶的果子著納一千個銀。 |
| 8:12 | 我有葡萄園，是我家己的；
所羅門啊，彼一千你提去， 兩百互顧守果子的人。 |
| 8:13 | 𫢶佇園內的查某囝仔啊，同伴攏啲聽你的聲，
你嘛互我聽一下。 |
| 8:14 | (女) 我親愛的啊，趕緊來， 親像羚羊， 親像鹿仔， 來到淐出芳味的山！ |