| 章節 | 現代台語漢字2021版經文 |
| 5:1 | 亞當的後代 ( 代上 1:1-4 ) 下面是亞當的後代。上帝創造人的時，是照伊家己的款式創造。 |
| 5:2 | 伊創造𪜶有男有女；佇𪜶受創造的時，賜𪜶福氣，稱𪜶做人類。 |
| 5:3 | 亞當一百三十歲的時生一個子，及伊的形像款式真相像，給伊號名叫塞特。 |
| 5:4 | 亞當生塞特了後，閣活八百年；此中間有閣生後生查某子。 |
| 5:5 | 亞當總共活九百三十歲才死。 |
| 5:6 | 塞特一百空五歲的時生以挪士。 |
| 5:7 | 塞特生以挪士了後，猶活八百空七年；彼中間有閣生後生查某子。 |
| 5:8 | 塞特總共活九百十二歲才死。 |
| 5:9 | 以挪士九十歲的時生該南。 |
| 5:10 | 以挪士生該南了後，猶活八百十五年；彼中間有閣生後生查某子。 |
| 5:11 | 以挪士總共活九百空五歲才死。 |
| 5:12 | 該南七十歲的時生瑪勒列。 |
| 5:13 | 該南生瑪勒列了後，猶活八百四十年；彼中間有閣生後生查某子。 |
| 5:14 | 該南總共活九百十歲才死。 |
| 5:15 | 瑪勒列六十五歲的時生雅列。 |
| 5:16 | 瑪勒列生雅列了後，猶活八百三十年；彼中間有閣生後生查某子。 |
| 5:17 | 瑪勒列總共活八百九十五歲才死。 |
| 5:18 | 雅列一百六十二歲的時生以諾。 |
| 5:19 | 雅列生以諾了後，猶活八百年；彼中間有閣生後生查某子。 |
| 5:20 | 雅列總共活九百六十二歲才死。 |
| 5:21 | 以諾六十五歲的時生瑪土撒拉。 |
| 5:22 | 以諾生瑪土撒拉了後，及上帝同行三百年；彼中間有閣生後生查某子。 |
| 5:23 | 以諾總共活三百六十五歲。 |
| 5:24 | 以諾及上帝同行；上帝接伊去，人就𣍐當閣看著伊。 |
| 5:25 | 瑪土撒拉一百八十七歲的時生拉麥。 |
| 5:26 | 瑪土撒拉生拉麥了後，猶活七百八十二年；彼中間有閣生後生查某子。 |
| 5:27 | 瑪土撒拉總共活九百六十九歲才死。 |
| 5:28 | 拉麥一百八十二歲的時生一個子， |
| 5:29 | 給伊號名叫做挪亞；伊講：「此個子欲安慰咱，因為上主曾咒詛地，互咱著做工勞苦。」 |
| 5:30 | 拉麥生挪亞了後，猶活五百九十五年；彼中間有閣生後生查某子。 |
| 5:31 | 拉麥總共活七百七十七歲才死。 |
| 5:32 | 挪亞五百歲以後，有生閃、含，及雅弗。 |