| 章節 | 台語漢字本聖經 請按此下載安裝Open Han 2024版字型，免得漏掉造字 |
| 4:1 | 以利沙幫助一個寡婦 有一個婦仁人是先知的學生的某，叫以利沙講：「你的奴僕──我的丈夫已經死，你的奴僕平素敬畏耶和華，是你所知的。今債主來欲取我二個子做奴僕。」 |
| 4:2 | 以利沙問伊講：「我通給你做甚麼？你給我講，你厝內有甚麼？」伊講：「你的女婢厝內剩一瓶油，以外攏無。」 |
| 4:3 | 以利沙講：「你去啊，佇外面對你許個厝邊借器具，就是空的器具，通借少少； |
| 4:4 | 著入厝，關門，你及你的子𫢶內面斟油佇所有的器具，斟滿的著另外下。」 |
| 4:5 | 婦仁人離開伊去，關門，伊及伊的子𫢶內面；子帶器具來互伊，伊就斟油。 |
| 4:6 | 許個器具攏滿，伊給伊的子講：「閣提器具來互我。」子講：「無閣有器具啦。」油就止。 |
| 4:7 | 婦仁人去給上帝的奴僕講，伊講：「你去賣油來還債，所剩的你及你的子通度活。」 |
| 4:8 | 書念婦人接待以利沙 有一日，以利沙行到書念，佇遐有一個好額的婦仁人強強留伊𫢶啲食。後來，以利沙逐擺對遐經過就入去食。 |
| 4:9 | 婦仁人對伊的丈夫講：「你看，彼個常常對咱遮經過者，我看伊是上帝聖的奴僕。 |
| 4:10 | 求你允，咱通佇牆頂起一間細間房，佇遐給伊安置眠床、桌、椅、燈台，互伊來咱遮，通入去歇。」 |
| 4:11 | 有一日，以利沙來到遐，就入去彼間房睏。 |
| 4:12 | 以利沙給伊的奴僕基哈西講：「你叫此個書念的婦仁人來。」伊就叫伊來，婦仁人徛佇伊的面前。 |
| 4:13 | 伊給伊的奴僕講：「你通給伊講：看啊，你為阮費多多心思，今著給你做甚麼？你愛我替你給王抑是軍長講啊？」伊應講：「我徛起佇我的百姓的中間。」 |
| 4:14 | 以利沙講：「按呢著為伊怎樣做呢？」基哈西講：「伊無子，伊的丈夫也老啦。」 |
| 4:15 | 伊閣講：「叫伊來。」就叫伊來。婦仁人就徛佇門口。 |
| 4:16 | 伊講：「明年到此時，你欲抱一個子。」伊講：「無啦，上帝的奴僕，我的主啊，通騙你的女婢。」 |
| 4:17 | 婦仁人果然懷孕，到明年彼時生一個子，照以利沙所講的。 |
| 4:18 | 囝仔大漢，有一日出去到伊的老父到收割的人遐， |
| 4:19 | 伊給老父講：「我的頭殼啊，我的頭殼啊！」伊的老父給奴僕講：「抱伊到伊的老母遐。」 |
| 4:20 | 伊抱伊到伊的老母遐；囝仔坐佇老母的腳頭窩，到中晝就死。 |
| 4:21 | 老母上去樓頂，將伊的子下佇上帝的奴僕的眠床，關門出來， |
| 4:22 | 叫伊的丈夫講：「請差一個奴僕牽一隻驢來我遮，我欲跑去上帝的奴僕遐，才倒來。」 |
| 4:23 | 丈夫講：「今仔日是月的初一，也是安息，你啥事欲去伊遐？」婦仁人講：「平安。」 |
| 4:24 | 就備辦驢，給奴僕講：「你趕驢進前去，我若無給你講，就通卡慢。」 |
| 4:25 | 婦仁人就去迦密山，去上帝的奴僕遐。 上帝的奴僕遠遠看見伊，給伊的奴僕基哈西講：「看啊，書念的婦仁人來啊！ |
| 4:26 | 你走去迎接伊，問伊講：你平安嗎？你的丈夫平安嗎？囝仔平安嗎？」伊講：「平安。」 |
| 4:27 | 婦仁人到彼個山，到上帝的奴僕遐，就抱伊的腳。基哈西進前欲給伊捙開，上帝的奴僕講：「據在伊，因為伊心內痛苦，耶和華對我隱囥，無給我講。」 |
| 4:28 | 婦仁人講：「我豈曾對我的主求子嗎？我豈無講，通騙我嗎？」 |
| 4:29 | 伊給基哈西講：「你縖腰手攑我的枴，進前去；若抵著人，莫得給𪜶請安，人若請安你，也莫得應伊；著用我的枴仔下佇囝仔的面。」 |
| 4:30 | 囝仔的老母講：「我指永活的耶和華及你的活命來講，我的確離開你。」以利沙就起來，隨伊去。 |
| 4:31 | 基哈西頭前去，用枴仔下佇囝仔的面，總是無聲說，也知人。基哈西倒轉抵著伊，給伊講：「囝仔無醒。」 |
| 4:32 | 以利沙到地，入厝，看見囝仔已經死，下佇伊的眠床。 |
| 4:33 | 伊入去就關門，只有𪜶二個佇內面，伊就祈禱耶和華。 |
| 4:34 | 上去仆佇囝仔的身軀，嘴對嘴，目睭對目睭，手對手；歸身俯佇囝仔的身軀，囝仔的肉就漸漸燒烙。 |
| 4:35 | 伊落來，佇厝內行來行去一擺，閣上去歸身俯佇囝仔，囝仔拍加嚏七擺，目睭就展開。 |
| 4:36 | 以利沙叫基哈西講：「你叫此個書念的婦仁人來」；伊就叫伊，伊入來伊遐。以利沙講：「抱你的囝仔起來。」 |
| 4:37 | 婦仁人就入來，俯佇伊的腳前仆佇地裡，抱伊的子出去。 |
| 4:38 | 二件神蹟 以利沙閣來到吉甲，彼時國內飢荒。先知的學生坐佇伊的面前，伊吩咐奴僕講：「你將大鼎下佇火裡，給先知的學生煮菜湯。」 |
| 4:39 | 有一人去田裡挽菜，抵著一欉野藤，就挽伊的瓜滿帕倒來，切伊，橐佇煮菜湯的鼎，因為𪜶識是甚麼物。 |
| 4:40 | 傾出來互𪜶食；食菜湯的時，𪜶攏叫講：「上帝的奴僕啊，鼎內有死的毒！」𪜶攏𣍐食得。 |
| 4:41 | 以利沙講：「提淡薄麵粉來」，就將麵粉摻佇鼎裡，講：「傾出來互𪜶食！」鼎內就無害。 |
| 4:42 | 有一人對巴力‧沙利沙來，帶起頭熟的麥所做的餅及大麥餅二十個，及新的穗，貯佇袋裡，送互上帝的奴僕。伊就講：「將諸個互百姓食。」 |
| 4:43 | 伊的差用講：「怎樣，我豈通排諸個佇一百人的面前嗎？」伊講：「做你互百姓食！因為耶和華按呢講，𪜶欲食伊，猶有剩。」 |
| 4:44 | 伊就排佇𪜶的面前，𪜶食伊，也有剩，照耶和華所講。 |