| 章節 | 台語漢字本聖經 請按此下載安裝Open Han 2024版字型，免得漏掉造字 |
| 24:1 | 以撒娶某 亞伯拉罕歲壽長年老，耶和華佇一切的事攏賜福互亞伯拉罕。 |
| 24:2 | 亞伯拉罕對伊家內管理全業的老奴僕講：「請將你的手下佇我的大腿下。 |
| 24:3 | 我欲教你指耶和華──就是天的上帝，地的上帝來咒誓，我徛起迦南人的中間，你通給我的子娶𪜶的查某子做某。 |
| 24:4 | 你著去我的本地本族，給我的子以撒娶一個某。」 |
| 24:5 | 奴僕應伊講：「設使查某囝仔肯隨我來此所在，我就著將你的子帶倒去你所對遐出來的地嗎？」 |
| 24:6 | 亞伯拉罕給伊講：「你著謹慎，通導我的子倒去遐。 |
| 24:7 | 天的上帝──耶和華曾導我離開老父的家及本族的地，對我講話，亦對我咒誓講：『我欲將此個地賞賜你的後裔。』伊欲差伊的使者佇你的面前，你就通對遐給我的子娶一個某。 |
| 24:8 | 設使查某囝仔肯隨你來，我教你咒的誓就及你無干涉，獨獨通帶我的子倒去遐。」 |
| 24:9 | 奴僕就將伊的手下佇主人亞伯拉罕的大腿下，為著此個事對伊咒誓。 |
| 24:10 | 彼個奴僕對伊主人的駱駝中取十隻駱駝，續帶伊主人逐樣的財寶，起身去米所波大米，到拿福的城。 |
| 24:11 | 日欲暗，眾查某囝仔出來汲水，伊就互駱駝跪佇城外的井邊。 |
| 24:12 | 伊講：「我的主人亞伯拉罕的上帝──耶和華啊！求你施恩互我的主人亞伯拉罕，互我今仔日有好遭遇。 |
| 24:13 | 我今徛佇井邊，城內人的查某囝仔啲出來汲水。 |
| 24:14 | 我欲對一個查某囝仔講：『請放落你的水瓶，互我飲水』，伊若講：『請飲！我亦欲互你的駱駝飲』，願彼個查某囝仔是你所定著互你的奴僕以撒做某。按呢，我就知你施恩互我的主人。」 |
| 24:15 | 話猶講未息，利百加肩頭背水瓶出來。伊是彼土利生的；彼土利是亞伯拉罕的小弟拿福的某密迦的子。 |
| 24:16 | 彼個查某囝仔面貌極其媠，猶是在室女，亦未曾有人親近伊。伊落去井邊，汲滿伊的瓶，就起來。 |
| 24:17 | 奴僕走進前迎接伊講：「求你將瓶內的水淡薄仔我飲。」 |
| 24:18 | 查某囝仔講：「我的主請飲。」就趕緊放水瓶落來，靠佇手裡互伊飲。 |
| 24:19 | 互伊飲明白，閣講：「我亦欲給你的駱駝汲水，互𪜶飲夠額。」 |
| 24:20 | 伊就趕緊將瓶內的水傾佇槽裡，閣走到井裡汲水，就給伊所有的駱駝汲。 |
| 24:21 | 彼個人注目看伊，恬恬無講話，愛知耶和華賞賜伊順事的路抑無。 |
| 24:22 | 駱駝飲明白，彼人就提一個金環，重半舍客勒，二個金手環，重十舍客勒，互彼個查某囝仔， |
| 24:23 | 講：「你是是誰的查某子？請給我講，恁老父的家有所在通互阮歇抑無？」 |
| 24:24 | 伊就給伊講：「我是密迦對拿福所生的子彼土利的查某子」； |
| 24:25 | 伊閣對伊講：「阮有草料米糧充足，亦有所在通歇。」 |
| 24:26 | 彼人就俯頭敬拜耶和華，講： |
| 24:27 | 「著謳咾我的主亞伯拉罕的上帝──耶和華，伊用慈愛誠實款待我的主人攏無停止。論到我，耶和華佇路上引導我，到我的主人兄弟的家。」 |
| 24:28 | 查某囝仔走倒去，照諸個話給𪜶老母通家的人講。 |
| 24:29 | 利百加有一個兄，名叫拉班，伊出去去井邊，就近彼人。 |
| 24:30 | 伊看見彼個環，閣看見手環佇𪜶小妹的手，亦聽見𪜶小妹利百加的話，講彼人對我講按呢按呢。伊就去彼人遐，看見彼人猶徛佇駱駝邊，倚近水井， |
| 24:31 | 就給伊講：「你此個得著耶和華賜福者，請入來，啥事徛佇外面？我已經備辦厝，及駱駝的所在。」 |
| 24:32 | 彼人就入伊的厝。伊就解駱駝所載的，閣用草料米糧飼駱駝，捧水互彼人以及跟隨的人洗腳， |
| 24:33 | 將食物排佇伊的面前，互伊食，總是伊講：「我無欲食，聽候我講明我的使命。」拉班講：「請你講。」 |
| 24:34 | 伊就講：「我是亞伯拉罕的奴僕。 |
| 24:35 | 耶和華大大賜福佇我的主人，互伊興旺，閣互伊羊、牛、銀、金、奴僕、女婢、駱駝，及驢。 |
| 24:36 | 我的主人的某撒拉年老的時給我的主人生一個子；我的主人亦將一切所有的互此個子。 |
| 24:37 | 我的主人教我咒誓講：『我徛起迦南人的地，你通給我的子娶𪜶的查某子做某。 |
| 24:38 | 你著去我的老父的家、我本族遐，給我的子娶一個某。』 |
| 24:39 | 我對我的主人講：『驚了查某囝仔肯隨我來。』 |
| 24:40 | 伊就給我講：『我所服事的耶和華欲差伊的使者及你相及去，互你順事的路，你就通對我的宗族、我的父的家，給我的子娶一個某。 |
| 24:41 | 獨獨愛你到我本族遐，我教你所咒的誓就及你無干涉。𪜶若互你，我教你咒的誓亦及你無干涉。』 |
| 24:42 | 「今仔日我到井邊，講：『我的主人亞伯拉罕的上帝──耶和華啊，你若互我所行的路順事。 |
| 24:43 | 我今徛佇水井邊，對一個出來汲水的查某囝仔講：請你將你瓶裡的水淡薄互我飲； |
| 24:44 | 伊若講：做你飲，我亦欲給你的駱駝汲水；願彼個查某囝仔做耶和華所定著互我的主人的子做某者。』 |
| 24:45 | 我心內的話猶講未了，利百加就出來，肩頭頂背水瓶，落去井邊汲水。我就給伊講：『請你互我飲。』 |
| 24:46 | 伊就趕緊對肩頭頂放落水瓶，講：『請飲！我亦互你的駱駝飲。』我就飲；伊亦互我的駱駝飲。 |
| 24:47 | 我閣問伊講：『你是是誰的查某子？』伊應講：『我是密迦對拿福所生的子彼土利的查某子。』我就將環掛佇伊的鼻，手環掛佇伊的手。 |
| 24:48 | 我就俯頭拜耶和華，謳咾我的主亞伯拉罕的上帝──耶和華；因為伊導我行抵好的路，互我得著我的主的小弟的查某孫，來互伊的子。 |
| 24:49 | 今恁若欲用慈愛誠實款待我的主人，就給我講；若亦給我講，互我好通向左，抑是向右。」 |
| 24:50 | 拉班及彼土利應講：「代誌出佇耶和華，阮𣍐會對你講好抑歹。 |
| 24:51 | 你看，利百加佇你的面前，通將伊導去，互你的主人的子做某，照耶和華所講。」 |
| 24:52 | 亞伯拉罕的奴僕聽見𪜶諸個話，就向耶和華仆佇地裡。 |
| 24:53 | 彼霎奴僕提出銀器、金器，及衣服送利百加，閣將寶物送伊的兄及伊的老母。 |
| 24:54 | 奴僕及隨伊的人飲食，歇暝。透早起來，就講：「請差我倒去我的主人遐。」 |
| 24:55 | 利百加的兄及伊的老母講：「容允查某囝仔及阮𫢶幾日，上少十日，然後伊通去。」 |
| 24:56 | 伊對𪜶講：「通阻擋我，耶和華已經互我順事的路，請差我去，互我倒去我的主人遐。」 |
| 24:57 | 𪜶講：「阮叫查某囝仔來探伊的話意」， |
| 24:58 | 就叫利百加來，問伊講：「你欲及此人去嗎？」伊講：「我欲去。」 |
| 24:59 | 𪜶就差小妹利百加及伊的奶母，及亞伯拉罕的奴僕，以及隨伊的人去。 |
| 24:60 | 𪜶就給利百加祝福對伊講：
阮小妹啊，願你做千萬人的老母！ 願你的後裔得著對敵的關隘！ |
| 24:61 | 利百加及伊的女婢起來，騎駱駝，隨彼個人，奴僕就導利百加去。 |
| 24:62 | 以撒徛起佇南地，彼時，對庇耳‧拉海‧萊的路來。 |
| 24:63 | 日欲暗，以撒出來佇田裡，靜靜啲想，攑目一下看，看見駱駝來。 |
| 24:64 | 利百加看見以撒，就對駱駝落來， |
| 24:65 | 問彼個奴僕講：「佇田裡行來迎接咱者是是誰？」奴僕講：「是我的主人。」利百加就提帕家己罩。 |
| 24:66 | 奴僕將所做一切的事給以撒講。 |
| 24:67 | 以撒就牽利百加入伊的老母撒拉的布棚，娶伊做某，閣真疼伊。以撒對老母死後，到此霎才得著安慰。 |