現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約書亞記

章節台語漢字本聖經 請按此下載安裝Open Han 2024版字型,免得漏掉造字
15:1
分互猶大支派的土地

猶大支派照宗族拈鬮所得著的地是佇極南勢,到以東的交界,向南直到尋的曠野。
15:2𪜶南勢的界,是對鹽海的極頭,就是向南的海灣,
15:3𥦁到亞克拉濱山坪的南勢,連到尋,上到加低斯‧巴尼亞的南勢,閣過希斯崙,上到亞達珥,踅到甲加,
15:4連到押們,𥦁到埃及的小河,此個界到海為止。這就是恁南勢的界。
15:5東勢的界,就是鹽海到約但河口。北勢的界是對約但河口的海灣起,
15:6上到伯‧曷拉,過伯‧亞拉巴的北勢,上到流便的子波罕的石磐;
15:7彼個界閣對亞割的山谷,上到底璧對北勢上去,向亞都冥的山坪對面的吉甲;佇河的南旁的,彼個界到隱‧示麥的水,到隱‧羅結為止,
15:8此個界經過便欣嫩的山谷,就到耶布斯山墘的南勢(耶布斯就是耶路撒冷);彼個界閣上到便欣嫩山谷西勢的山頂,就是利乏音山谷北勢的極頭;
15:9彼個界閣對山頂到尼弗多亞的水泉,𥦁到以弗崙山許個城,彼個界閣到巴拉(巴拉就是基列‧耶琳);
15:10彼個界閣對巴拉向西勢踅到西珥山,過到耶琳山邊的北旁(耶琳就是基撒崙);閣落去到伯‧示麥經過亭納,
15:11彼個界閣𥦁到以革倫邊仔的北勢,彼個界續到施基崙,經過到巴拉山;閣𥦁到雅比聶,此個界到海為止。
15:12西勢的界到大海及伊的海墘。這是猶大人照𪜶的宗族四圍的交界。
15:13
迦勒攻取希伯崙及底璧

( 士 1:11-15 )
照耶和華命令約書亞的,伊就佇猶大的族中將一分互耶孚尼的子迦勒做業,就是基列‧亞巴(也名希伯崙)。亞巴是亞衲族的祖。
15:14迦勒對遐趕出亞衲三個子,就是示篩,亞希幔、撻買,攏是亞衲的子;
15:15閣對遐上去攻,底璧徛起的百姓。(此個底璧前名叫基列‧西弗。)
15:16迦勒講:「若有人拍基列‧西弗來取伊,我欲將我的查某子押撒互伊做某。」
15:17迦勒的兄弟基納斯的子俄陀聶取伊,伊就將伊的查某子押撒互伊做某。
15:18押撒過門的時,勸丈夫對𪜶老父討一區田,押撒對驢落來,迦勒問講:「你欲甚麼啊?」
15:19伊講:「求你賜福我,你已經安置我佇南方的地,求你互我水泉。」伊就用頂的水泉,下的水泉互伊。
15:20
猶大所得的城

這是猶大人的支派所得著的業照伊的宗族。
15:21猶大人的支派南勢極頭的城,及以東交界相近的,就是甲設、以得、雅姑珥、
15:22基拿、底摩拿、亞大達、
15:23基低斯、夏瑣、以提楠、
15:24西弗、提鍊、比亞錄、
15:25夏瑣‧哈大他、加略‧希斯崙(就是夏瑣)、
15:26亞曼、示瑪、摩拉大,
15:27哈薩‧迦大、黑實門、伯‧帕列、
15:28哈薩‧書亞、別是巴、比斯約他、
15:29巴拉、以因、以森、
15:30伊勒多臘、基失、何珥瑪、
15:31洗革拉、麥瑪拿、三撒拿、
15:32利巴勿、實忻、亞因、臨門、共二十九座城,及𪜶的鄉社。
15:33佇平洋有以實陶、瑣拉、亞實拿、
15:34撒羅亞、隱‧干寧、他普亞、以楠、
15:35耶末、亞杜蘭、梭哥、亞西加、
15:36沙拉音、亞底他音、基底拉、基底羅他音,共十四座城,及伊的鄉社。
15:37洗楠、哈大沙、麥大‧迦得、
15:38底連、米斯巴、約帖、
15:39拉吉、波斯加、伊磯崙、
15:40迦本、拉幔、基提利、
15:41基低羅、伯‧大袞、拿瑪、瑪基大,共十六座城,及伊的鄉社。
15:42立拿、以帖、亞珊、
15:43益弗他、亞實拿、尼悉、
15:44基伊拉、亞革悉、瑪利沙,共九座城,及伊的鄉社。
15:45閣有以革倫及伊的街市伊的鄉社;
15:46對以革倫到海,一切倚近亞實突的,及伊的鄉社。
15:47亞實突及伊的街市,伊的鄉社;迦薩及伊的街市,伊的鄉社;到埃及小河,及大海以及伊的海墘。
15:48佇山地有沙密、雅提珥、梭哥、
15:49大拿、基列‧薩拿(就是底璧)、
15:50亞拿伯、以實提莫、亞念、
15:51歌珊、何倫、基羅,共十一座城,及伊的鄉社。
15:52閣有亞拉、度瑪、以珊、
15:53雅農、伯‧他普亞、亞非加、
15:54宏他、基列‧亞巴(就是希伯崙)、洗珥,共九座城,及伊的鄉社。
15:55閣有瑪雲、迦密、西弗、淤他、
15:56耶斯列、約甸、撒挪亞、
15:57該隱、基比亞、亭納,共十座城,及伊的鄉社。
15:58閣有哈忽、伯‧夙,基突、
15:59瑪臘、伯‧亞諾、伊勒提君,共六個城,及伊的鄉社。
15:60閣有基列‧巴力(就是基列‧耶琳)、拉巴,共二座城,及伊的鄉社。
15:61佇曠野有伯‧亞拉巴、密丁、西迦迦、
15:62匿珊、鹽城、隱‧基底,共六座城,及伊的鄉社。
15:63論到𫢶佇耶路撒冷的耶布斯人,猶大人𣍐會趕𪜶出去,總是耶布斯佇耶路撒冷及猶大人相及徛起,直到今仔日。



上一章 下一章 [ 條列 | 表格 | 整段 ]
現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
重新查詢


經文由台灣聖經公會提供, 不超過500節經文的使用權無須預先獲得批准,但請註明版權所屬。檢索技術與程式由 CBOL計畫提供,網站與資料庫資源由 信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative. 漢字字型2024版由聯合聖經公會Open Han Bible Project提供,羅馬字字型由SIL International免費授權提供,謹此致謝。使用者需遵守著作權聲明以免蹈法。