| 章節 | 台語漢字本聖經 請按此下載安裝Open Han 2024版字型，免得漏掉造字 |
| 18:1 | 祭司及利未人的職責 耶和華對亞倫講：「你及你諸個子，及你的本族，著相及擔當聖所的罪。你及你諸個子也著擔當恁祭司職的罪。 |
| 18:2 | 你著導你的兄弟利未的支派，你的祖公的支派進前來，互𪜶及你聯合，來伺候你，若是你及你的子，攏著佇法櫃的會幕前。 |
| 18:3 | 𪜶著做你的差用，也著做布棚的差用，獨獨通近聖所的器具及壇，免得𪜶及恁攏死。 |
| 18:4 | 𪜶著及你聯合，也著做會幕的差用，料理布棚攏總的工，獨獨外面人通倚近恁。 |
| 18:5 | 恁著做聖所的差用及壇的差用，免得受氣閣到佇以色列人。 |
| 18:6 | 我，看啊，我曾對以色列人的中間揀恁的兄弟利未人來賞賜恁，及歸耶和華，來料理會幕的工。 |
| 18:7 | 所以你及你的子著相及守祭司的職料理壇及帳簾內一切的工。恁著按呢服務；我已經賞賜你祭司的職任的工親像送物。見若外面人近倚的，的確互伊死。」 |
| 18:8 | 祭司著得的物 耶和華閣給亞倫講：「我，看啊，我已經用獻互我的舉祭，就是以色列人分別做聖的物，交你守伊；因為你受抹油，諸個物歸你及你的子孫，做永遠的份額。 |
| 18:9 | 無經過火，至聖的物的中間，屬佇你的是諸個；見若𪜶的禮物，𪜶的素祭、𪜶的贖罪祭、𪜶的補過失祭，𪜶所獻互我的，攏做至聖，歸互你及你的子孫。 |
| 18:10 | 你著看諸個做至聖來食伊；見若查甫丁攏通食。你著掠此個物做聖。 |
| 18:11 | 諸個也是你的禮物的舉祭以及以色列人所獻的搖祭；我攏賞賜你及你的子查某子，做永遠的份額；見若佇你家中清氣的人攏通食。 |
| 18:12 | 上好的油、上好的酒、上好的五穀，就是𪜶起頭熟獻互耶和華的，我攏賞賜你。 |
| 18:13 | 𪜶的地起頭熟的物所獻互耶和華的攏歸互你。你家內清氣的人攏通食。 |
| 18:14 | 以色列中見若受分別獻盡的攏著歸互你。 |
| 18:15 | 見若有肉體頭上生的，無論人抑是精牲，𪜶所獻互耶和華的，攏歸佇你；獨獨人頭上生的，你著贖伊；無清氣的精牲頭上生的，你也著贖伊。 |
| 18:16 | 佇滿月以外所著贖的，著照你所估的價，照聖所的舍客勒，用銀五舍客勒贖回伊（一舍客勒是二十季拉）。 |
| 18:17 | 獨獨頭上生的牛，頭上生的綿羊頭上生的山羊，你通贖，這是聖，著灑伊的血佇壇裡，著燒伊的油，做火祭做芳芳獻互耶和華。 |
| 18:18 | 許個肉歸佇你，親像所搖的胸及正腿歸佇你一樣。 |
| 18:19 | 見若聖物的舉祭是以色列人獻互耶和華的，我攏賞賜你及你的子查某子，做永遠得著的份額。這是互你及你的後裔，佇耶和華的面前做永遠𣍐廢的約。」 |
| 18:20 | 耶和華對亞倫講：「你佇𪜶的地方通有產業，佇𪜶的中間也通有份額。佇以色列人中我就是你的份額，是你的產業。」 |
| 18:21 | 利未人的份 「看啊，佇以色列中所抽的十分一，我已經賞賜利未的子孫做業；因為𪜶所做的工是會幕的工，所以賞賜𪜶來報答𪜶的著磨。 |
| 18:22 | 對今以後，以色列人通倚近會幕，免得𪜶擔當罪來死。 |
| 18:23 | 獨獨利未人著做會幕的工，擔當𪜶的罪；這欲做恁逐世代永遠的例。𪜶佇以色列人的中間通有產業； |
| 18:24 | 因為以色列人所抽的十分一，所獻互耶和華做舉祭的，我已經賞賜利未人做業。所以我對𪜶講：『𪜶佇以色列人的中間通有產業。』」 |
| 18:25 | 利未人的十分一奉獻 耶和華吩咐摩西講： |
| 18:26 | 「你著吩咐利未人給𪜶講：恁對以色列人的中間抽十份一，就是我互恁做業的，彼時恁著對彼個十份一的中間閣抽十份一做舉祭獻互耶和華， |
| 18:27 | 你的舉祭欲給恁算做五穀場的麥，及滿佇葡萄窟的酒。 |
| 18:28 | 按呢，恁對以色列中所得著的十份一，著對彼個獻舉祭互耶和華，恁著對彼個，用耶和華的舉祭互祭司亞倫。 |
| 18:29 | 恁所得著一切的禮物，著對彼中間將第一好的，就是分別做聖的份額，獻許個舉祭互耶和華。 |
| 18:30 | 所以你著對𪜶講：恁已經對彼中間舉起彼個至好的，這就是給利未人算做五穀場的五穀，也親像酒窟的酒。 |
| 18:31 | 恁及恁的家眷逐所在通食伊；這是恁的工錢，是報答恁佇會幕內所做的工。 |
| 18:32 | 恁已經對彼中間舉起彼個至好的，就無因為按呢來犯罪。恁通拍垃墋以色列人的聖物，免得恁死無。 |