| 章節 | 台語漢字本聖經 請按此下載安裝Open Han 2024版字型，免得漏掉造字 |
| 13:1 | 得著上帝歡喜的服務 兄弟的相疼著久長。 |
| 13:2 | 莫得𣍐記得接待人客；因為對按呢曾有接待著天使，亦知的。 |
| 13:3 | 著數念諸個受關者，親像及𪜶相同關；數念受暴虐者，是恁亦有身軀。 |
| 13:4 | 婚姻，人人著尊重，床無垃墋；因為私通行淫的人，上帝欲審判伊。 |
| 13:5 | 心志通貪財，掠所有的做夠額；因為上帝有講：「我決斷無放拺你，決斷無離開你。」 |
| 13:6 | 所以咱通好膽講：
主就是幫助我的，我無欲驚惶； 人欲啥法得我奈何？ |
| 13:7 | 前引導恁、用上帝的道理傳互恁的人，恁著數念𪜶，看𪜶行做的結局，來學𪜶的信。 |
| 13:8 | 耶穌基督昨日、今仔日同一樣，直到代代。 |
| 13:9 | 恁莫得互插雜各樣的教所遷徙；因為心對恩典來堅固才是好，是對許個食物。因為用工佇許個物的無利益。 |
| 13:10 | 咱有祭壇，服事佇會幕的無權通食伊。 |
| 13:11 | 因為精牲的血互祭司頭帶入聖所來贖罪；許個精牲的身體就燒佇營外。 |
| 13:12 | 所以，耶穌因為欲用家己的血互百姓成聖，亦受苦佇城門外。 |
| 13:13 | 按呢，咱亦著出營外，來就近伊，受伊所受的凌辱。 |
| 13:14 | 因為佇遮咱無久長佇啲的城，是尋彼個將來的。 |
| 13:15 | 所以著對耶穌，常常用謳咾做祭獻互上帝，這就是承認主名的嘴唇所結的果子。 |
| 13:16 | 獨獨行好及相供給，恁通𣍐記得，因為此號的祭是上帝所歡喜的。 |
| 13:17 | 引導恁的，恁著聽趁順服𪜶；因為𪜶為著恁的靈魂警醒，是將來著家己排列的。恁著互𪜶用歡喜來做，無用吐氣；因為此個無利益恁。 |
| 13:18 | 恁著替阮祈禱，阮信家己有照良心，凡事愛照正直來行。 |
| 13:19 | 我益發勸恁行按呢，互我通卡緊閣就近恁。 |
| 13:20 | 祝福及請安 今願平安的上帝，就是曾佇永遠的約的血、對死人中導羊群的大牧者──咱的主耶穌閣起來， |
| 13:21 | 互恁佇逐項好事完全，來行伊的旨意；閣對耶穌基督佇咱的心內行代誌，得著歡喜佇伊的面前。願榮光歸佇伊，代代無息。阿們！ |
| 13:22 | 兄弟啊，我寫短短的批互恁，勸恁接納我勸勉的話。 |
| 13:23 | 恁著知，咱的兄弟提摩太已經得著解放；伊若緊緊來，我欲及伊去見恁。 |
| 13:24 | 請恁請安諸個引導恁的人及眾聖徒。有意大利的人請安恁。 |
| 13:25 | 願恩典及恁眾人佇啲。阿們！ |