| 章節 | 台語漢字本聖經 請按此下載安裝Open Han 2024版字型，免得漏掉造字 |
| 4:1 | 身體的合一 所以我𫢶佇主做囚犯的勸恁：行代誌著合佇所受的召。 |
| 4:2 | 凡事謙遜、溫柔、用吞愞，佇仁愛相寬容， |
| 4:3 | 用和平相結聯，致意守聖神所賞賜的合一。 |
| 4:4 | 因為體一個，神一個，親像恁受召的向望也是一個。 |
| 4:5 | 主一個，信一個，洗禮一個， |
| 4:6 | 上帝一個，做眾人的父，佇萬有的頂面，貫串佇萬有，𫢶佇萬有的。 |
| 4:7 | 總是用恩典互咱逐人，是照基督恩賜的份量。 |
| 4:8 | 所以講：
伊升高的時，就掠許個受掠的， 也將諸個恩賜分互人。 （ |
| 4:9 | 今既然講伊升高，豈是伊曾降落佇地下嗎？ |
| 4:10 | 彼個降落的，就是彼個升高佇諸個天的頂面的欲充滿萬物。） |
| 4:11 | 伊所賞賜的，有使徒，有先知，有傳福音的，有牧師及先生， |
| 4:12 | 為著欲互聖徒齊備，來做差用的工，起造基督的身體， |
| 4:13 | 直到咱眾人佇信，以及識上帝的子來合一，到成一個完全的人，到得著基督的充滿來長成彼般， |
| 4:14 | 欲互咱無閣做囝仔，互逐樣教示的風搖泏漂流，中著人的詭計及瞞騙，致到互人差謬的法術； |
| 4:15 | 是𫢶佇仁愛講話真實，互咱佇萬項漸漸大，到佇彼個做頭者，就是基督， |
| 4:16 | 對佇伊全身結合聯絡，就是對百節的相接應，照逐體該然的運動，致到身軀愈長大，佇仁愛家己起造。 |
| 4:17 | 舊人及新人 所以我講伊，閣佇主證明伊，恁的所行通閣親像外邦人的所行，𪜶的心志空空。 |
| 4:18 | 𪜶的心思黑暗，隔斷佇上帝的活命，是對𪜶知影，𪜶的心剛硬； |
| 4:19 | 既然喪失良心，就放縱家己佇邪僻，對貪來行逐樣的污穢。 |
| 4:20 | 若是恁學習基督，是按呢。 |
| 4:21 | 恁若果然聽見伊，閣佇伊受教示，照佇耶穌所有的真實， |
| 4:22 | 就是論到從前的行做，恁褪去舊的人，就是照引誘人的私慾啲敗壞的； |
| 4:23 | 閣恁心神換新， |
| 4:24 | 穿彼個新的人；就是照上帝，用真理的義及聖來創造的。 |
| 4:25 | 新生活的守則 所以，著除去白賊，逐人及伊的厝邊講真實，因為咱相共做體。 |
| 4:26 | 恁受氣，著通犯罪；有激受氣，通到日落， |
| 4:27 | 也通互魔鬼有縫通入。 |
| 4:28 | 偷提的，莫得閣偷提；寧可著磨，親手做好的工，才有通分互欠缺的人。 |
| 4:29 | 恁的嘴攏通講出垃墋的話，獨獨著講好話，照及時的欠缺來造就伊，互聽的人得著恩典。 |
| 4:30 | 也莫得互上帝的聖神憂悶；就是所曾用來蓋印恁，到佇贖回的日的。 |
| 4:31 | 一切的苦毒、怨恨、受氣、喧嚷、誹謗，以及一切的惡毒，攏著對恁中間除去； |
| 4:32 | 閣著用仁慈相款待，存憐憫的心，大家相赦免，親像上帝佇基督曾赦免恁一樣。 |