| 章節 | 台語漢字本聖經 請按此下載安裝Open Han 2024版字型，免得漏掉造字 |
| 4:1 | 佇瓦器裡的寶貝 所以阮既然有此個職份，照所得著的憐憫，就無餒志， |
| 4:2 | 是有棄拺見誚的暗事；無行佇詭譎，無混雜上帝的道理，就是顯明真理，佇上帝的面前將家己證明佇逐人的良心。 |
| 4:3 | 若阮的福音有所遮蓋，就是遮蓋佇沈淪的人。 |
| 4:4 | 佇𪜶中間此世界的上帝互信的人的心睛瞑，免得基督榮顯的福音的光照𪜶。基督就是上帝的像。 |
| 4:5 | 因為阮無傳家己，是傳基督耶穌做主，也本身為著耶穌做恁的奴僕。 |
| 4:6 | 因為上帝曾講，光著對暗裡出來的，伊也有照佇阮的心，互阮對識上帝的榮顯，就是對耶穌基督顯明的來得著光。 |
| 4:7 | 若是阮有此號寶貝囥佇土的器具，是欲互極大的權能做上帝的，是出佇阮。 |
| 4:8 | 阮凡事受患難，若是無困迫；為難，也無失望； |
| 4:9 | 抵著窘逐，也無受放拺；受拍倒，也無死無。 |
| 4:10 | 身軀常常帶耶穌的死，互耶穌的活也會顯明佇阮的身軀。 |
| 4:11 | 因為阮諸個活的沓沓為著耶穌來交付佇死，互耶穌的活也會顯明佇阮會死的肉體。 |
| 4:12 | 按呢，就死的力啲行佇阮，活的力啲行佇恁。 |
| 4:13 | 總是阮已經有此個信的神，抵抵照所記載講：「我有信，所以有講。」阮也信，所以也講。 |
| 4:14 | 家己知互主耶穌復活的，也欲互阮及耶穌復活，閣欲引進阮及恁相及徛佇伊的面前。 |
| 4:15 | 因為萬項事攏是為著恁，欲互恩典對人愈多來愈加添，就互感謝益發充滿，致到上帝得著榮光。 |
| 4:16 | 靠信心生活 所以，阮無餒志。阮的外體雖然敗壞，若是阮的內心日日換新。 |
| 4:17 | 因為阮目𥍉久輕輕的艱苦，是給阮成上等上、永遠的大榮光。 |
| 4:18 | 因為阮是看佇所會看見的，是看佇所𣍐看見的；因為所會看見的是暫時，所𣍐看見的是永遠。 |