| 章節 | 台語漢字本聖經 請按此下載安裝Open Han 2024版字型，免得漏掉造字 |
| 5:1 | 補過失的祭的條例 「若有人犯罪就是聽見咒誓的聲，也伊本著做干證，總是所看見、抑是所知的伊講，伊著擔當伊的罪。 |
| 5:2 | 若有人摸著無清氣的物，或是無清氣的獸的身屍，或是無清氣的精牲的身屍，或是無清氣的蟲𧒴的身屍，伊也知，伊就無清氣，伊就有罪。 |
| 5:3 | 抑是伊摸著別人的無清氣，無論染著甚麼無清氣來無清氣，總是伊知，到一下知就有罪。 |
| 5:4 | 抑是有人隨便咒誓，嘴講欲做歹，欲做好，無論人佇甚麼事隨便咒誓，伊也知，到一下知就佇諸個項的一項算做有罪。 |
| 5:5 | 伊佇諸個項的一項有罪，就著承認伊所犯的罪， |
| 5:6 | 也著因為所犯的罪，帶補過失的祭到耶和華的面前──就是羊群中的母的，或是綿羊仔，或是山羊做贖罪的祭。論到伊的罪，祭司著按呢給伊贖。 |
| 5:7 | 「伊的氣力若無夠額通獻一隻羊仔，就著因為伊所犯的罪，用二隻鳩鵻抑是二隻鴿仔子帶到耶和華的面前做補過失的祭：一隻做贖罪祭，一隻做燒祭。 |
| 5:8 | 伊著將諸個帶到祭司遐，祭司就著代先獻彼隻做贖罪祭的，對頷頸捘伊的頭，總是通給伊破開， |
| 5:9 | 伊也著用此個贖罪祭的血灑佇壇邊，所剩的血著瀝佇壇腳；這是贖罪祭。 |
| 5:10 | 伊著照例獻第二隻做燒祭。論到伊所犯的罪，祭司著照按呢給伊贖，就欲得著赦免。 |
| 5:11 | 「伊的氣力若無夠額通獻二隻鳩鵻抑是二隻鴿仔子，就著因為伊所犯的罪帶伊的禮物來，就是幼的麵粉伊法的十份一做贖罪祭；通落油，也通參乳香，因為是贖罪祭。 |
| 5:12 | 伊著將禮物帶到祭司遐，祭司著搙一搙來做伊的紀念，燒佇壇頂照獻互耶和華的火祭；這是贖罪祭。 |
| 5:13 | 論到伊佇此幾項事的中間所犯的一項，祭司著按呢給伊贖，就伊欲得著赦免。所剩的攏歸互祭司，及素祭一樣。」 |
| 5:14 | 耶和華吩咐摩西講： |
| 5:15 | 「人若佇耶和華的聖物錯誤犯罪，致到有過失，就著用補過失的祭來獻互耶和華，照你所估舍客勒的銀，就是照聖所的舍客勒，對羊群中用無瑕疵的綿羊牨做補過失的祭； |
| 5:16 | 閣伊因為佇聖物的錯誤著賠，另外著加五份的一份，交互祭司。祭司著用補過失的祭的綿羊牨，替伊贖罪，伊就欲得著赦免。 |
| 5:17 | 「若有人犯罪，行耶和華所命令通行的一項事，伊雖然知，也是有罪，就著擔當伊的罪； |
| 5:18 | 伊著照你所估的，對羊群中牽一隻無瑕疵的綿羊牨，來交互祭司做補過失的祭。因為伊錯誤犯著，伊也知，祭司就欲替伊贖罪，伊就欲得著赦免。 |
| 5:19 | 這是補過失的祭，因為伊佇耶和華的面前實在有過失。」 |