| 章節 | 台語漢字本聖經 請按此下載安裝Open Han 2024版字型，免得漏掉造字 |
| 4:1 | 使徒的工作 人著掠阮做基督的差用，做上帝諸個奧妙的管家。 |
| 4:2 | 閣所向望佇管家的，是愛得伊盡忠。 |
| 4:3 | 若是我互恁抑是別人批評，我掠做極小可的事；我也無家己批評。 |
| 4:4 | 因為我知家己有甚麼通責備，總是我無對此個得著稱做義；獨獨批評我的就是主。 |
| 4:5 | 所以，時未到，恁莫得批評甚麼，聽候主到，伊欲用光照佇黑暗諸個隱密的事，顯明諸個心內的計謀。彼時，逐人欲對上帝得著伊的謳咾。 |
| 4:6 | 兄弟啊，我為著恁諸個，借本身及亞波羅來講起諸個代誌，是欲互恁佇款待阮的事來學習此句，莫得過頭佇所記載，免得恁自高，尊重此個，看輕彼個。 |
| 4:7 | 因為是誰互你各樣佇別人啊？你所有的叨落一項是對受的？若是對受的，怎樣誇口，那親像是對受的啊？ |
| 4:8 | 恁已經飽足！已經富有！恁已經做王！阮無份。我真正愛恁做王，互阮也及恁相及做王。 |
| 4:9 | 因為我啲想上帝有安置阮諸個使徒佇尾溜，親像擬死的犯人；因為阮成做一棚戲，互世間及天使及人看。 |
| 4:10 | 阮為著基督做戇，恁𫢶佇基督做智慧；阮軟弱，恁勇壯；恁尊貴，阮卑賤。 |
| 4:11 | 到佇此霎，阮也枵也嘴乾，褪腹裼，互人掙，無定著的所在， |
| 4:12 | 也勞苦，親手做工。受詈罵，就給人祝福；受窘逐，就吞愞； |
| 4:13 | 受誹謗，就及人好嘴。竟然成做世間的糞埽，萬物的渣滓，到佇今仔日。 |
| 4:14 | 我寫諸個，是欲互恁見誚，是警戒恁，親像我所疼的子。 |
| 4:15 | 因為恁𫢶佇基督，先生雖然講萬，若是老父就無多個，因為佇基督耶穌，我曾對福音來生恁。 |
| 4:16 | 所以，我勸恁著學我。 |
| 4:17 | 因為按呢我已經差提摩太去恁遐。伊𫢶佇主，是我所疼閣盡忠的子。伊欲互恁記得我𫢶佇基督的行踏，就是親像我逐所在佇逐個教會所教示的。 |
| 4:18 | 有人自高，掠做我無欲到恁遐； |
| 4:19 | 總是，主若允准，我欲緊緊去就近恁，閣我所欲知的，是許個自高的人的話，就是𪜶的權能。 |
| 4:20 | 因為上帝的國不在講話，是在佇權能。 |
| 4:21 | 恁愛怎樣？我就近恁著攑箠仔去？抑是用仁愛及溫柔的心神啊？ |