| 章節 | 台語漢字本聖經 請按此下載安裝Open Han 2024版字型，免得漏掉造字 |
| 4:1 | 亞伯拉罕的模樣 按呢，咱欲講咱肉體的祖亞伯拉罕有得著甚麼？ |
| 4:2 | 因為亞伯拉罕若對所行得著稱做義，就通誇口；總是對上帝本是無。 |
| 4:3 | 因為聖經講甚麼？「亞伯拉罕信上帝，就給伊算做義。」 |
| 4:4 | 今見若做工的，伊的工錢無算是恩典，算是應該的； |
| 4:5 | 若是無做工的，獨獨信彼個稱不虔的人做義的，伊的信就給伊算做義。 |
| 4:6 | 親像大衛也講起人攏無所行來得著上帝算伊做義者，有福氣。 |
| 4:7 | 是講：
𪜶的不法得著赦免，𪜶的罪惡得著遮蓋， 彼號人有福氣。 |
| 4:8 | 主無欲用罪算伊的數的，
彼個人有福氣。 |
| 4:9 | 今，此個福氣是到佇受割禮的？抑是也到佇無受割禮的啊？因為咱啲講，亞伯拉罕的信是給伊算做義， |
| 4:10 | 按呢是怎樣算？是佇割禮的時？抑是佇無割禮的時？是佇割禮的時，是佇無割禮的時。 |
| 4:11 | 伊也得著割禮的記號，就是佇無受割禮的時對信所有的義的印信，互伊通做攏總無受割禮來信的人的父，互義通算做𪜶的； |
| 4:12 | 也互伊做受割禮的人的父，就是許個若受割禮，閣有趁咱的父亞伯拉罕未受割禮的時來信的腳步的。 |
| 4:13 | 此個應允對信實現 因為所應允亞伯拉罕及伊的後裔做後嗣承接世間的，是對律法，是對信的義。 |
| 4:14 | 因為若屬律法的做後嗣，信就歸佇空空，應允也廢無。 |
| 4:15 | 因為律法是致到受氣；若無律法，就無犯著。 |
| 4:16 | 所以是對信，通照恩典，欲互應允堅固佇眾後裔；若佇彼個屬律法的，也佇屬亞伯拉罕的信的。 |
| 4:17 | 伊佇伊所信的上帝的面前做咱眾人的父，就是彼個互死人復活，叫許個無者那親像有者的上帝；照所記載講：「我設立你做多多邦國的父。」 |
| 4:18 | 伊佇無通向望的中間，對向望來信，互伊通成做多多邦國的父，照所曾講的：「你的後裔欲親像按呢。」 |
| 4:19 | 伊想著家己的身軀親像已經死，（彼時成百歲），閣撒拉的胎孕已經絕，伊的信無軟茈； |
| 4:20 | 伊看上帝的應允，也無對信來僥疑，信就愈勇健，來歸榮光上帝， |
| 4:21 | 閣深信上帝會成伊所應允的。 |
| 4:22 | 所以，給伊算做義。 |
| 4:23 | 今所講「給伊算」此句是干單為著伊來寫， |
| 4:24 | 也是為著咱，咱若信靠彼個互咱的主耶穌對死人中復活的上帝，也欲給咱算做義。 |
| 4:25 | 耶穌曾為著咱的罪，受解送；閣為著咱的稱做義，來得著復活。 |