| 章節 | 台語漢字本聖經 請按此下載安裝Open Han 2024版字型，免得漏掉造字 |
| 23:1 | 保羅注目看公會，講：「兄弟啊，我平素做人向上帝凡事存良心，到今仔日。」 |
| 23:2 | 祭司頭亞拿尼亞命令身邊啲徛的人拍伊的嘴。 |
| 23:3 | 保羅就對伊講：「粉白的牆啊，上帝欲拍你！你坐啲照律法審判我，竟然違逆律法，命令拍我嗎？」 |
| 23:4 | 身邊啲徛的人講：「上帝的祭司頭你罵伊嗎？」 |
| 23:5 | 保羅講：「兄弟啊，我識伊是祭司頭；因為聖經有記講：『莫得罵你的百姓的序大。』」 |
| 23:6 | 若是保羅知𪜶一旁是撒都該人，一旁是法利賽人，就佇公會中叫講：「兄弟啊，我是法利賽人，亦是法利賽人的子。此霎受審判，就是因為死人復活的向望。」 |
| 23:7 | 講按呢，法利賽人及撒都該人相爭，眾人就分旁。 |
| 23:8 | 因為撒都該人講，無復活，亦無天使亦無神；若是法利賽人就認二項攏有。 |
| 23:9 | 就有大喧嚷。法利賽彼旁的經學士幾若個起來爭辯講：「阮看此人攏無歹，若欲是有神抑是天使及伊講話呢？」 |
| 23:10 | 彼時抵抵大相爭，千總驚了保羅互𪜶拆裂，命令兵丁落去，對𪜶中間搶出，導伊入營盤。 |
| 23:11 | 彼暝，主徛佇保羅的身邊，講：「壯你的心！你曾佇耶路撒冷為著我做干證，亦的確按呢做干證佇羅馬。」 |
| 23:12 | 刣死保羅的陰謀 到天光，猶太人結黨咒誓，講：「若無到刣死保羅飲食。」 |
| 23:13 | 按呢同心咒誓的有四十外人。 |
| 23:14 | 就就近諸個祭司頭及長老，講：「阮諸個已經咒重誓，若無到刣死保羅半項物都食。 |
| 23:15 | 今恁及公會著給千總講，請伊導保羅到恁的面前，那親像恁欲閣詳細查問伊的案情；阮已經備辦好啦，佇伊未近倚的時來刣伊。」 |
| 23:16 | 獨獨保羅的外甥聽見𪜶欲埋伏，就去入營給保羅講。 |
| 23:17 | 保羅叫一個百總來，講：「導此個少年人去見千總，因為伊有代誌欲報伊知。」 |
| 23:18 | 就牽伊導伊去見千總，講：「彼個受關的保羅叫我去，求我導此個少年人見你；有代誌欲給你講。」 |
| 23:19 | 千總牽伊的手，到偏僻的所在，問講：「欲報我知甚麼？」 |
| 23:20 | 講：「猶太人相約，求你明仔日導保羅落公會，那親像你欲詳細查問伊的案情。 |
| 23:21 | 求你莫得趁伊；因為𪜶有四十外人埋伏啲當等伊，𪜶曾咒誓講，若無到刣死保羅飲食。今已經備辦好，啲聽候你允准若定。」 |
| 23:22 | 千總教少年人去，吩咐伊講：「通對人講你有將諸個代誌通知我。」 |
| 23:23 | 保羅受解送交總督腓力斯 就召百總二人，講：「備辦步兵二百，馬兵七十，攑槍的二百，今暝二更去該撒利亞； |
| 23:24 | 閣備辦精牲互保羅騎，保護伊到總督腓力斯遐。」 |
| 23:25 | 就寫文書，彼個大略是講： |
| 23:26 | 「克勞丟‧呂西亞請安總督腓力斯大人。 |
| 23:27 | 此人互猶太人掠，欲刣伊，我一下知伊是羅馬人，就導兵去救伊。 |
| 23:28 | 愛知𪜶告伊的緣故，就送伊落𪜶的公會， |
| 23:29 | 查出伊受告是為著𪜶律法的辯論，並無應該死應該缚的案情。 |
| 23:30 | 有人給我講啲欲有計謀陷害此人，我即時差伊就近你，亦命令告伊的人佇你的面前告伊。」 |
| 23:31 | 兵丁奉命令，將保羅透暝導到安提帕底。 |
| 23:32 | 隔日，互馬兵及伊去，𪜶就倒去營盤。 |
| 23:33 | 許個馬兵入該撒利亞，將文書獻總督，就互保羅徛佇伊的面前。 |
| 23:34 | 看了，問伊是甚麼省的人，知伊屬基利家， |
| 23:35 | 就講：「告你的人若來，我欲詳細聽你的事」；就吩咐顧守伊佇希律的衙門。 |