| 章節 | 台語漢字本聖經 請按此下載安裝Open Han 2024版字型，免得漏掉造字 |
| 15:1 | 耶穌是真的葡萄樹 「我是真的葡萄樹，我的父是作園的人。 |
| 15:2 | 見若連佇我的枝無結果子的，伊就芟起來；見若結果子的，伊就修互伊清氣，互伊結果子閣卡多。 |
| 15:3 | 今恁因為我所給恁講的道理，已經清氣啦。 |
| 15:4 | 恁著𫢶佇我，我亦𫢶佇恁。設使枝無連佇葡萄樹，就𣍐會家己結果子，恁若無𫢶佇我，亦是按呢。 |
| 15:5 | 我就是葡萄樹，恁就是枝。𫢶佇我，也我𫢶佇伊的，就結果子多多；因為及我相離，恁就𣍐做甚麼。 |
| 15:6 | 人若無𫢶佇我，就受棄拺佇外面親像枝續枯焦，人拾𪜶㧒落火就燒去。 |
| 15:7 | 恁若𫢶佇我，我的話𫢶佇恁，凡若所愛的，恁著求，就欲給恁成。 |
| 15:8 | 恁結果子多多，對按呢我的父得著榮光，亦恁欲成做我的學生。 |
| 15:9 | 我有疼恁，親像父有疼我；恁著𫢶佇我的疼。 |
| 15:10 | 恁若守我的誡命，就欲𫢶佇我的疼，親像我有守我的父的誡命，𫢶佇伊的疼。 |
| 15:11 | 「我已經用諸個給恁講，欲互我的歡喜𫢶佇恁，亦互恁的歡喜滿滿。 |
| 15:12 | 恁著相疼，親像我有疼恁；這是我的命令。 |
| 15:13 | 人為著朋友獻生命，疼無有比此個卡大的。 |
| 15:14 | 恁若行我所命令恁的，就是我的朋友。 |
| 15:15 | 今了後，我無叫恁做奴僕，因為奴僕知伊的主人的所行。若是我已經叫恁做朋友；因為我對父所聽見的，攏有給恁講。 |
| 15:16 | 是恁揀我，是我揀恁，閣設立恁，互恁去結果子，閣互恁的果子久長佇啲，互恁佇我的名，無論對父求甚麼，伊就互恁。 |
| 15:17 | 我用諸個命令恁，是欲互恁相疼。」 |
| 15:18 | 世間人的怨恨 「世間若怨恨恁，恁知，伊猶未怨恨恁，已經代先怨恨我。 |
| 15:19 | 恁若屬世間，世間就疼伊家己的；獨獨因為恁是屬世間，就是我揀恁出世間，所以世間怨恨恁。 |
| 15:20 | 恁著記得我所給恁講的話，講：『奴僕無卡大伊的主人。』人若有窘逐我，亦欲窘逐恁；若有守我的話，亦欲守恁的話。 |
| 15:21 | 若是𪜶欲因為我的名用諸個一切的事款待恁，是因為識差我的。 |
| 15:22 | 我若無來給𪜶講，𪜶就無罪；今𪜶的罪無通推辭啦。 |
| 15:23 | 怨恨我的人，亦怨恨我的父。 |
| 15:24 | 我若佇𪜶中間曾行別人所未曾行的，𪜶就無罪；若是今我及我的父，𪜶亦有看見亦有怨恨。 |
| 15:25 | 這是欲應驗𪜶的律法所記載的話，講：『𪜶無緣故怨恨我。』 |
| 15:26 | 若是保惠師就是真理的神對父出的，我對父欲差伊就近恁；伊若到，欲為著我做干證。 |
| 15:27 | 恁亦欲做干證，因為恁對起頭及我佇啲。」 |