| 章節 | 台語漢字本聖經 請按此下載安裝Open Han 2024版字型，免得漏掉造字 |
| 2:1 | 耶和華回答哈巴谷 我欲徛守更樓， 徛佇營寨觀看， 看伊對我講甚麼話， 我通用甚麼話來訴明。 |
| 2:2 | 耶和華應我講：寫此個默示明明刻佇板裡，
互讀的人也通走。 |
| 2:3 | 因為此個默示猶有定著的期，
欲緊緊結局，決斷無白賊。 雖然延迁，猶久著聽候； 因為的確會到，無閣延迁。 |
| 2:4 | 看啊，伊的心神自高，佇伊的內面無正直；
獨獨義人欲對伊的信來活。 |
| 2:5 | 不義的結局 就是欺騙者，驕傲的人， 無𫢶佇家內， 開闊伊的心所愛者，親像陰府。 亦親像死𣍐會滿足， 統一萬國歸伊，聚集萬百姓歸伊。 |
| 2:6 | 諸個眾人豈無欲用俗語來批評伊用譬喻來譏刺伊講：
積聚多多無屬家己的財物，欲偌久？ 提多多準當的物家己擔負，彼號人有災禍啊！ |
| 2:7 | 咬你者豈無忽然起來，
攪擾你者豈無醒起來， 你就欲做𪜶所搶的物？ |
| 2:8 | 因為你搶劫多多國，
列國中所剩的人也欲搶劫你， 是因為你刣人流血， 對境內及城市及其中徛起的人所行強暴的緣故。 |
| 2:9 | 為家己的家積聚不義的錢、
欲作巢佇高的所在、向望脫離兇惡的勢力，彼號人有災禍啊！ |
| 2:10 | 你滅多多百姓，所計謀的，
凌辱家己的家，閣犯罪害家己的生命。 |
| 2:11 | 壁中的石欲喉叫；
柴料中的棟樑欲應聲。 |
| 2:12 | 用刣人流血來起城、
用罪孽設立城市者有災禍啊！ |
| 2:13 | 看啊，眾百姓所勞碌的互火燒去，
列國著磨到厭倦者歸佇空空， 豈是攏出佇萬軍的耶和華嗎？ |
| 2:14 | 因為耶和華的榮光欲互全地攏識，
親像水充滿洋海一樣。 |
| 2:15 | 互伊的厝邊飲、閣參猛烈的酒、
互伊飲到醉，通看見伊的下體，彼號人有災禍啊！ |
| 2:16 | 你所充滿的是凌辱，是榮光；
你亦著飲，顯出是未受割禮者！ 耶和華正手的杯欲越轉來互你飲； 你的凌辱欲蓋密你的榮光。 |
| 2:17 | 閣你對黎巴嫩所行的強暴以及殘害野獸
互伊驚惶的事攏欲遮蓋你； 是因為你刣人， 對境內城市及其中徛起的人所行強暴的緣故。 |
| 2:18 | 雕刻的像，有甚麼利益，
才互造伊的人雕刻伊啊？ 鑄的偶像及假的先生有甚麼利益， 才互造伊的人倚靠伊來造啞口的偶像啊？ |
| 2:19 | 對柴頭講：著醒！
對啞口的石頭講：起來！彼號人有災禍啊！ 此個豈會教示人嗎？ 看啊，是用金用銀包的，伊的內面攏無活氣。 |
| 2:20 | 獨獨耶和華佇伊的聖殿；
全地佇伊的面前攏著靜靜。 |