| 章節 | 台語漢字本聖經 請按此下載安裝Open Han 2024版字型，免得漏掉造字 |
| 1:1 | 耶和華的話臨到摩利沙人彌迦，就是佇猶大王約坦、亞哈斯、希西家的時，所看見論到撒瑪利亞及耶路撒冷的事。 |
| 1:2 | 為撒瑪利亞及耶路撒冷唱哀歌 諸個百姓啊，恁攏著聽！ 地及其中所有的，亦著俯耳孔！ 主耶和華就是對伊的聖殿出來的主 欲干證恁的著。 |
| 1:3 | 看啊，耶和華對伊的所在出來，
伊欲降臨踏佇地高的所在。 |
| 1:4 | 眾山佇伊的下面消溶，
眾山谷離開， 親像蠟倚近火， 親像水流落山坪。 |
| 1:5 | 這攏是因為雅各的罪過，
以色列家的罪惡， 雅各的罪過是甚麼？ 豈是撒瑪利亞嗎？ 猶大的山頭壇是甚麼？ 豈是耶路撒冷嗎？ |
| 1:6 | 所以我欲互撒瑪利亞變做田裡的土堆，
閣做種葡萄的所在； 亦欲將伊的石頭傾落山谷中， 來露出伊的地基。 |
| 1:7 | 伊一切雕刻的偶像欲受拍碎；
伊所得著人送的財物，欲互火燒去； 所有的佛，我欲互伊荒廢； 因為伊用娼妓的工錢來積聚， 後來欲歸佇娼妓做工錢。 |
| 1:8 | 因為按呢，我欲大聲啼哭，
赤身露體來行； 閣欲喉叫親像山狗， 哀傷親像駝鳥。 |
| 1:9 | 因為伊的傷𣍐醫得，
此個事已經近猶大的所在，到我的百姓的城門就是耶路撒冷。 |
| 1:10 | 對敵迫近耶路撒冷 莫得報告佇迦得， 攏莫得啼哭； 我佇伯‧亞弗拉翱佇塵埃的中間。 |
| 1:11 | 沙斐徛起的百姓啊，恁著褪裼見誚過去。
撒南徛起的百姓無出來。 伯‧以設人啼哭，互恁無所在通歇腳。 |
| 1:12 | 瑪律徛起的百姓苦心欣慕福氣，
因為災禍對耶和華遐到耶路撒冷的城門。 |
| 1:13 | 拉吉徛起的百姓啊，著用車套𠢕走的馬；
伊做錫安的百姓犯罪的起頭； 以色列的罪過佇你遐發現。 |
| 1:14 | 所以你著用禮物給摩利設‧迦特送行。
亞革悉諸個家欲用詭計款待以色列諸個王。 |
| 1:15 | 瑪利沙徛起的百姓啊，
我欲互承受你的業的到你遐； 以色列的榮光欲到亞杜蘭。 |
| 1:16 | 你著為你所歡喜的子，剃你的頭毛，
互伊光裸裸，無剩半支，親像臭頭的鷹鳥， 因為𪜶攏受掠離開你。 |