| 章節 | 台語漢字本聖經 請按此下載安裝Open Han 2024版字型，免得漏掉造字 |
| 3:1 | 以色列人啊，著聽耶和華所講攻擊恁的話，就是攻擊我所導出埃及地的全家的話：
|
| 3:2 | 佇地上萬族中，我只有識恁；
所以，我欲辦恁一切的罪過。 |
| 3:3 | 先知的任務 二人若無相約，豈會相及行？ |
| 3:4 | 獅若無咬著物，豈會佇樹林內哮嗎？
細隻勇的獅若無所得著，豈會對穴內出聲嗎？ |
| 3:5 | 若無張活罩，鳥仔豈會陷落地上的羅網嗎？
羅網若無所得著，豈會對地上翻起來嗎？ |
| 3:6 | 城內若歕哨角，百姓豈無驚惶嗎？
災禍若到一個城，豈是耶和華所降落的嗎？ |
| 3:7 | 主耶和華若無用伊秘密的意思指示伊的奴僕──諸個先知，
就攏無所行。 |
| 3:8 | 獅啲哮，是誰無驚？
主耶和華已經講，是誰無講先知的話？ |
| 3:9 | 撒瑪利亞的結局 著佇亞實突的宮殿 及埃及地的宮殿報揚講： 恁著聚集佇撒瑪利亞諸個山， 就看見其中的大擾亂及彼內面暴虐的事。 |
| 3:10 | 因為𪜶𣍐曉得行正直，
就是用強暴及搶劫的物、 積聚佇𪜶的宮殿內。 這是耶和華講的。 |
| 3:11 | 所以主耶和華按呢講：
欲有對敵來圍困此個地， 互你的勢力衰微， 搶你的宮殿。 |
| 3:12 | 耶和華按呢講：「親像牧者對獅的嘴搶出二支腳抑是半塊耳仔，按呢𫢶撒瑪利亞的以色列人撐佇眠床角抑是舒綉花毯的眠床者，𪜶的得著救亦不過是按呢。」
|
| 3:13 | 主耶和華──萬軍的上帝講：
恁著聽此個話，亦著干證佇雅各家。 |
| 3:14 | 我辦以色列罪過的日，也欲辦伯特利的祭壇；
壇角欲受剉折，墜落地。 |
| 3:15 | 我欲毀伊冬天的厝、夏天的厝。
象牙的厝也欲毀滅； 大厝亦攏無去。 這是耶和華講的。 |