| 章節 | 台語漢字本聖經 請按此下載安裝Open Han 2024版字型，免得漏掉造字 |
| 9:1 | 耶路撒冷受懲罰 伊向我的耳孔中大聲叫講：「著叫許個管此個城的人來，逐人的手著攑滅生命的家私。」 |
| 9:2 | 忽然有六個人對向北頂的門彼條路來，逐人手攑刣人的家私；內中有一人穿幼苧衫，腰裡掛墨壼。𪜶入去，徛佇銅壇的邊頭。 |
| 9:3 | 以色列上帝的榮光本佇𠼻𡀔兵的頂面，今對遐上去，徙到殿的戶椗。伊叫彼個穿幼苧衫，腰裡𦊱墨壼的人來。 |
| 9:4 | 耶和華對伊講：「遍行佇城內，就是遍行耶路撒冷的中間，見若為著城內所行一切可惡的事來吐氣歕嗐的人，就做記號佇伊的頭額。」 |
| 9:5 | 我的耳孔中聽見伊對其餘的人講：「著隨伊遍行通城，來刣死人。恁的目睭莫得疼惜，恁亦莫得可憐𪜶。 |
| 9:6 | 著一盡刣死老人、少年人、在室女、嬰仔、婦仁人，亦著對我的聖所刣起，獨獨見若有記號者莫得近倚伊。」對按呢𪜶就對殿前的長老刣起。 |
| 9:7 | 伊對𪜶講：「著拍垃墋此間殿，互院內充滿受刣的人。恁著出去！」𪜶就出去，佇城內刣死人。 |
| 9:8 | 𪜶去刣人的時，剩我佇遐；我就仆佇地裡，叫講：「嗐啊！主耶和華啊，你將大受氣傾佇耶路撒冷，豈是欲將以色列人一盡滅無嗎？」 |
| 9:9 | 伊就對我講：「以色列家及猶大家的罪過極其重。遍地有流血的事，滿城有冤枉，因為𪜶講：『耶和華已經離開此個地，耶和華無啲看。』 |
| 9:10 | 所以，我的目睭無欲疼惜，我亦無欲可憐𪜶，欲照𪜶所行的報應佇𪜶的頭殼頂。」 |
| 9:11 | 看啊，彼個穿幼苧衫，腰裡罣墨壼的人將此個事回覆講：「我已經照你所吩咐的行啦。」 |