| 章節 | 台語漢字本聖經 請按此下載安裝Open Han 2024版字型，免得漏掉造字 |
| 10:1 | 拜偶像和真崇拜 以色列家啊，著聽耶和華對恁所講的話。 |
| 10:2 | 耶和華按呢講：
恁通學列國的所行， 亦通為著天的兆頭來驚惶， 因為列國為著這來驚惶。 |
| 10:3 | 眾百姓的風俗是空虛；
𪜶佇樹林內剉一欉樹， 師傅的手用斧頭造成的。 |
| 10:4 | 𪜶用金用銀鑲伊，
用釘及鎚仔釘住， 互伊無搖動。 |
| 10:5 | 伊親像車楹的柱，
𣍐講話，著人扛， 因為伊𣍐行。 恁莫得驚伊； 因為𪜶𣍐降災禍， 亦無權通降福氣。 |
| 10:6 | 耶和華啊，無甚麼會比並得你！
獨獨你做大，你的名大閣有能力。 |
| 10:7 | 萬百姓的王啊，是誰著驚畏你？
這是合佇你； 因為佇列國智慧的人的中間， 雖然有權威者， 亦𣍐比得你。 |
| 10:8 | 𪜶攏是愚蠢無知。偶像的教示，
不過是柴若定。 |
| 10:9 | 有銀拍歸片，對他施帶來的，
亦有對烏法來的金， 攏是師傅及銀匠的手做的， 閣有藍色紫色的料做衫， 攏是奇巧的師傅做的。 |
| 10:10 | 獨獨耶和華是真的上帝，
伊是活的上帝，是永遠的王。 伊一下受氣，地就振動； 伊一下痛恨，列國攏擋𣍐住。 （ |
| 10:11 | 恁著給𪜶按呢講：許個是創造天地的上帝，攏欲對地上及天下滅無去！） |
| 10:12 | 謳咾上帝的詩 耶和華用能力創造地， 用智慧建立世界， 用聰明展開諸個天。 |
| 10:13 | 伊一下出聲，空中就有多多水激動；
伊互雲霧對地極淐起來； 伊為著雨創造閃爁， 伊互風對伊的府庫出來。 |
| 10:14 | 逐人攏愚蠢，無智識；
逐個銀匠攏為著伊雕刻的偶像來見誚。 因為伊所鑄的偶像是假的， 亦無活氣佇伊的內面， |
| 10:15 | 攏是空空的，
是迷惑人的所做； 到辦理𪜶的時的確受除滅。 |
| 10:16 | 雅各的份額無親像諸個，
因為伊是創造萬物的主。 以色列亦是伊產業的支派， 萬軍的耶和華是伊的名。 |
| 10:17 | 預告流亡 你徛起受圍的城者， 著對地裡收拾你的物件。 |
| 10:18 | 因為耶和華按呢講：
看啊，我此時欲將此所在徛起的百姓甩出去， 閣欲困苦𪜶， 互𪜶曉悟。 |
| 10:19 | 我有災禍啊！因為我受毀傷；
我的傷真傷重。 總是我講：這是我的痛苦， 的確著忍受。 |
| 10:20 | 我的布棚毀壞；
我的索攏斷。 我的子兒離開我出去，今攏無啦。 無人閣搭我的布棚，掛我的帳幅。 |
| 10:21 | 因為牧者攏愚蠢，
無尋求耶和華， 所以𣍐得著亨通； 𪜶的羊群亦攏四散。 |
| 10:22 | 有風聲！看啊，來啦！
有大擾亂對北方出來， 欲互猶大諸個城拋荒， 做野狗徛起的所在。 |
| 10:23 | 耶和華啊，我知人的路是對家己，
行路的人亦𣍐注意家己的腳步。 |
| 10:24 | 耶和華啊，你責備我著從寬，
通佇你的受氣中責備我， 驚了互我歸佇無去。 |
| 10:25 | 願你傾出你的受氣佇識你的列國的頂面，
以及無求叫你的名的逐族； 因為𪜶吞食雅各，吞伊，滅伊， 互伊徛起的所在拋荒。 |