| 章節 | 台語漢字本聖經 請按此下載安裝Open Han 2024版字型，免得漏掉造字 |
| 9:1 | 願我的頭殼做水泉，
我的目睭做目屎的源頭， 我通為我的百姓中受刣的人，日暝啼哭。 |
| 9:2 | 願我佇曠野有出外人歇暝的所在，
我就通棄拺我的百姓來離開𪜶； 因為𪜶攏是行姦淫者， 是行詭詐的黨類。 |
| 9:3 | 𪜶捲彎𪜶的舌親像弓來講白賊。
𪜶佇國內加添勢力， 是為著真實， 就是歹了閣歹， 也識我。 這是耶和華講的。 |
| 9:4 | 恁逐人著持防伊的厝邊，
攏通信靠兄弟； 因為兄弟一盡相瞞騙， 厝邊攏四界行誹謗人。 |
| 9:5 | 𪜶逐人欺騙厝邊，願講真實；
𪜶教示𪜶的舌講白賊， 著磨做歹。 |
| 9:6 | 你徛起佇詭詐中；
𪜶因為詭詐，肯認識我。 這是耶和華講的。 |
| 9:7 | 所以萬軍的耶和華按呢講：
看啊，我欲將𪜶鎔化來鍛煉𪜶； 若無，我因為我的百姓欲怎樣做啊？ |
| 9:8 | 𪜶的舌是害死人的箭，是講詭詐；
人人對伊的厝邊嘴講平安， 心內啲數想伊。 |
| 9:9 | 耶和華講：我豈無因為諸個事來辦𪜶嗎？
我的心豈無欲對此號的國民來報讎嗎？ |
| 9:10 | 我欲為著山嶺啼哭悲哀，
為著曠野的草場出聲哀哮； 因為𪜶已經燒燎去，甚至無人經過。 人也無聽見精牲的聲， 空中的飛鳥及地上的野獸攏走落去。 |
| 9:11 | 我欲互耶路撒冷變做土堆，做野狗徛起的所在，
也欲互猶大諸個城拋荒，無人徛起。 |
| 9:12 | 是誰是智慧的人，通明白此個啊？耶和華的嘴對是誰講，互伊通傳報啊？此個地啥事滅無，燒毀親像曠野，甚至無人經過啊？ |
| 9:13 | 耶和華講：「因為𪜶有棄拺我所設佇𪜶的面前的律法，無聽我的聲，也無行伊； |
| 9:14 | 獨獨照𪜶的心的剛硬來行，閣趁諸個巴力就是𪜶的列祖所教示的。」 |
| 9:15 | 所以萬軍的耶和華──以色列的上帝按呢講：「看啊，我欲將茵蔯互此個百姓食，閣將苦的水互𪜶飲。 |
| 9:16 | 我也欲四散𪜶佇列邦中，就是𪜶及𪜶的列祖識的邦國。也欲互刀劍追趇𪜶，到我一盡剿滅𪜶。」 |
| 9:17 | 耶路撒冷求援助 萬軍的耶和華按呢講： 著致意想， 叫許個替人哭的婦仁人來， 也差人去尋許個𠢕的婦仁人互𪜶來， |
| 9:18 | 𪜶著緊緊來為咱出聲哮，
互咱目屎直直流， 互咱的目睭皮淐出水。 |
| 9:19 | 因為聽見哀傷的聲對錫安出，講：
咱怎樣衰敗！ 大大見誚！ 因為咱離開土地； 因為人有拆毀咱的厝宅。 |
| 9:20 | 恁諸個婦仁人啊，著聽耶和華的話，
耳孔著聽受伊的嘴所講的話； 著教示恁的查某子啼哭， 逐個著教示𪜶的厝邊唱哀歌。 |
| 9:21 | 因為死無，
上來咱的窗仔門， 入咱的宮殿； 對外面剿滅許個囝仔， 對街路剿滅許個少年人。 |
| 9:22 | 你著給𪜶講，耶和華按呢講：
人的身屍欲親像糞埽㧒佇郊野， 閣親像收割的人尻脊後所磕落一把仔的稻仔， 無人拾伊。 |
| 9:23 | 耶和華按呢講：「智慧的人莫得因為伊的智慧來誇口，勇猛的人莫得因為伊的勇猛來誇口，好額的人莫得因為伊的好額來誇口。 |
| 9:24 | 見若愛誇口者，著因為此個來誇口，就是伊識我，知我是耶和華，行慈愛、公平、公義佇地裡的，因為我掠諸個做歡喜。這是耶和華講的。」 |
| 9:25 | 耶和華講：「看啊，日子欲到，我欲刑罰一切受割禮者、無受割禮者， |
| 9:26 | 就是埃及、猶大、以東、亞捫族、摩押人，及一切徛起曠野剃鬢邊者；因為列國攏無受割禮，以色列人的心亦無受割禮。」 |