| 章節 | 台語漢字本聖經 請按此下載安裝Open Han 2024版字型，免得漏掉造字 |
| 12:1 | 𨃟過節 耶和華佇埃及地對摩西、亞倫講： |
| 12:2 | 「此月著做恁的正月，做年年的頭一月。 |
| 12:3 | 恁著對以色列的全會講：本月初十日，逐人著照老父的家取羊仔，一家一隻。 |
| 12:4 | 若是一家的人甚少，一隻羊仔食𣍐了，伊著及隔壁的厝邊照人額相及取一隻。恁備辦羊仔，著按算逐人所會食的量。 |
| 12:5 | 恁的羊仔著無瑕疵的、未滿年的羊牨仔，恁著對綿羊中，抑是山羊中取伊，攏通。 |
| 12:6 | 恁著留到本月十四日，黃昏的時，以色列全會的眾人著刣羊仔。 |
| 12:7 | 𪜶著取淡薄血，抹佇食羊仔彼間厝雙旁的門竪及門楣。 |
| 12:8 | 彼暝著食羊仔的肉；用火煏伊，及無酵餅苦菜參啲食。 |
| 12:9 | 通生生食，決斷通用水煮，著用火煏，頭、腳、及五臟，攏著食。 |
| 12:10 | 攏通留過早起；若留到過早起，著用火燒。 |
| 12:11 | 恁著按呢食伊，腰縖帶，腳穿鞋，手攑柺仔，也著趕緊食；這是耶和華的𨃟過節。 |
| 12:12 | 因為彼暝我欲遍行埃及地，拍死埃及地一切頭上生的，無論人及精牲，閣欲審判埃及一切的上帝。我就是耶和華。 |
| 12:13 | 此個血佇恁所徛起的厝欲做恁的記號；我一下看見此個血，就對恁𨃟過去。我拍埃及地的時，災禍無到佇恁來滅恁。」 |
| 12:14 | 除酵節 「恁著用此日做紀念，守伊做耶和華的節，恁著代代守此個節做永遠的例。 |
| 12:15 | 恁著食無酵餅七日久。頭一日著對恁逐間厝除去酵；因為對頭一日，到第七日，凡若食有酵的，欲對以色列中除去。 |
| 12:16 | 頭一日恁著有聖會，七日也著有聖會。此二日，除去備辦逐人所著食的以外，無論甚麼工攏通做。 |
| 12:17 | 恁著守無酵節，因為我扺扺佇彼日導恁的軍隊對埃及地出來。所以，恁著守此日，逐世代做永遠的例。 |
| 12:18 | 對正月十四下昏，到二一下昏，恁著食無酵餅。 |
| 12:19 | 佇恁逐間厝，七日內通有酵；因為見若食有酵的物，無論是寄腳的，抑是本地的，彼人著對以色列會中除去。 |
| 12:20 | 有酵的物，恁攏通食；佇恁一切徛起的所在著食無酵餅。」 |
| 12:21 | 第一個𨃟過節 摩西就叫以色列眾長老來，給𪜶講：「恁逐人著照家口取羊仔，刣伊做𨃟過節。 |
| 12:22 | 恁著提一把的牛膝草，搵盆內的血，用盆內的血抹門楣及雙旁的門竪。恁無論甚麼人通對伊的厝出門，直到明仔早起。 |
| 12:23 | 因為耶和華欲遍行拍死埃及人，伊看見血佇門楣及雙旁的門竪，耶和華就欲𨃟過彼個門，准滅生命的入恁的厝，來拍死恁。 |
| 12:24 | 此個事，恁著守伊，做恁及恁的子孫永遠的例。 |
| 12:25 | 後來，恁到耶和華照伊所應允賞賜恁彼個地，就著守此個禮。 |
| 12:26 | 恁的子兒若問恁：『為啥事行此個禮？』 |
| 12:27 | 恁就著講：『這是耶和華𨃟過節的祭。當以色列人佇埃及的時，伊拍死埃及人，𨃟過以色列人的厝，救咱逐家。』」對按呢百姓俯頭敬拜。 |
| 12:28 | 以色列人就去按呢行，耶和華所吩咐摩西、亞倫的𪜶照按呢行。 |
| 12:29 | 頭胎的受刣 到半暝，耶和華將埃及地所有的大子，就是對坐位的法老的大子，到監犯的大子，以及頭水生的精牲，一盡刣死。 |
| 12:30 | 法老及一切的人臣，及埃及的眾人，暝時攏起來。佇埃及有大啼哭的聲，因為無一家無死人。 |
| 12:31 | 法老透暝召摩西、亞倫，講：「起來！及以色列人著對我的百姓中間出去，照恁所講的，去服事耶和華！ |
| 12:32 | 也照恁所講的，連羊群牛群帶帶去！也著給我祝福。」 |
| 12:33 | 埃及人迫百姓，教𪜶緊緊出𪜶的地，講：「阮攏死啦。」 |
| 12:34 | 百姓就提無酵的生麵，將摶麵的器具包佇衫內，背佇肩頭頂。 |
| 12:35 | 以色列人照摩西的話行，對埃及討銀器、金器及衣裳。 |
| 12:36 | 耶和華互百姓得著恩典佇埃及人的面前，照𪜶所討的互𪜶。對按呢𪜶搶埃及人。 |
| 12:37 | 以色列人出埃及 以色列人對蘭塞去疏割；除囝仔以外，步行的大人約有六十萬。 |
| 12:38 | 閣有多多雜族的人，也有羊群牛群多多精牲，及𪜶上去。 |
| 12:39 | 𪜶用埃及帶出來的生麵煏做無酵餅。無發酵是因為受迫出埃及，𣍐會延迁得，也無為家己備辦甚麼食物。 |
| 12:40 | 以色列人出外佇埃及四百三十年。 |
| 12:41 | 到四百三十年滿抵抵彼日，耶和華的軍隊攏對埃及地出來。 |
| 12:42 | 此暝著為耶和華守伊；因為伊導𪜶出埃及地，這是耶和華的暝，是以色列眾人代代所著守的。 |
| 12:43 | 𨃟過節的條例 耶和華對摩西、亞倫講：「𨃟過節的例是按呢：外邦人攏通食伊。 |
| 12:44 | 獨獨逐人用銀買的奴僕，已經給伊行割禮就通食。 |
| 12:45 | 寄腳的及倩工人攏通食。 |
| 12:46 | 著佇一間厝食伊；一塊肉也通帶出厝外。伊的骨一支也通拍折。 |
| 12:47 | 以色列全會攏著守伊。 |
| 12:48 | 若有外族人出外佇恁中間，愛守𨃟過節來服事耶和華，伊所有的查甫人著受割禮，然後伊通來守，就及本族的人無各樣；總是無受割禮的人，攏通食伊。 |
| 12:49 | 本族的人及外族的人出外佇恁中間，攏同一樣的例。」 |
| 12:50 | 以色列眾人就按呢行，照耶和華所吩咐摩西、亞倫的去做。 |
| 12:51 | 當彼日，耶和華導以色列人照𪜶的軍隊，出埃及地。 |