| 章節 | 台語漢字本聖經 請按此下載安裝Open Han 2024版字型，免得漏掉造字 |
| 45:1 | 耶和華立古列做王 我──耶和華所抹油的古列； 我牽伊的正手， 互列國降服佇伊的面前。 我亦欲解列王的腰帶， 互城門開佇伊的面前， 閣諸個門的確無關。 |
| 45:2 | 我對伊按呢講：
我欲行佇你的面前， 修平嵁硈的地。 我欲拍破銅的門， 斬斷鐵的閂。 |
| 45:3 | 我欲將暗中的寶物及隱密的財寶賞賜你，
互你知叫名召你者， 就是我──耶和華、以色列的上帝。 |
| 45:4 | 因為我的奴僕雅各，
我所揀以色列的緣故， 我就叫名召你； 你雖然識我， 我有稱你的名。 |
| 45:5 | 我是耶和華，佇我以外無有別個；
除我以外無有上帝。 你雖然識我， 我欲給你縖腰。 |
| 45:6 | 對日出亦對日落的所在
互人攏知除我以外，無有別個。 我是耶和華； 佇我以外無有別個。 |
| 45:7 | 我造光，亦創造暗；
我造平安，亦創造災禍； 諸個攏是我──耶和華所做的。 |
| 45:8 | 諸個天啊，對頂面來滴，
穹蒼降落公義； 地面裂開，生出救恩， 互公義做一下發生； 我──耶和華曾創造伊。 |
| 45:9 | 創造及歷史的主宰 災禍啊，彼個及造伊的主計較者！ 伊不過是地上瓦片中的一塊瓦片。 土豈通對摶伊者講：你做甚麼？ 抑是你所做的物豈通講：伊無手嗎？ |
| 45:10 | 災禍啊，彼個對老父講：
你所生者是甚麼啊？ 抑是對老母講： 你所育者是甚麼啊？ |
| 45:11 | 以色列的聖者，
就是造伊的耶和華按呢講： 將來的事，恁通問我； 論到我諸個子，以及我的手所做的， 恁通交代我。 |
| 45:12 | 我造地，亦創造人佇地上。
我親手展開諸個天； 天頂的萬象亦是我所命令的。 |
| 45:13 | 我照公義興起古列，
閣欲修直伊一切的路。 伊欲起造我的城， 解放我受掠的百姓； 是為著價錢，亦是為著報賞。 這是萬軍的耶和華講的。 |
| 45:14 | 耶和華按呢講：
埃及著磨得著的，古實的財利， 及西巴的大漢人，攏欲歸你，屬你，隨你。 𪜶欲掛鐵鍊來歸你， 仆拜佇你的面前，求恁講： 上帝真正佇恁中間，此個以外無別個； 閣無別個上帝。 |
| 45:15 | 救主──以色列的上帝啊，
你實在是家己隱密的上帝。 |
| 45:16 | 許個妝偶像的攏欲漏氣見誚，
攏做一下見誚。 |
| 45:17 | 總是以色列欲得著耶和華用永遠的救恩，
來救𪜶。 恁的確無見誚，亦無漏氣， 到永世代無息。 |
| 45:18 | 因為耶和華創造諸個天的，
伊正是上帝， 伊造地來做成伊； 閣堅固伊， 是空空造， 是創造伊互人徛起。 伊按呢講： 我是耶和華，以外無別個。 |
| 45:19 | 我無佇隱密抑是佇黑暗地的位來講，
我曾對雅各的後裔講： 恁著空空尋我。 我──耶和華所講的是公義， 所傳的是正直。 |
| 45:20 | 天地的主及巴比倫的偶像 恁對列國逃脫的人， 恁著做陣來相及倚來。 許個扛雕刻偶像的柴、 祈禱𣍐會救人的神明的， 攏無智識。 |
| 45:21 | 恁著宣傳互伊進前來，
互𪜶大家參詳。 是誰對古早指明此個？ 是誰對早時宣傳此個？ 豈是我──耶和華嗎？ 我以外，無閣有上帝； 我是公義的上帝，閣是救主； 我以外，無別個。 |
| 45:22 | 地極的人攏著仰望我，
來得著救； 因為我是上帝，無閣有別個。 |
| 45:23 | 我指家己來咒誓，
我的嘴照公義講出此個話，決斷無收倒轉； 萬腳頭窩欲向我來跪拜； 萬嘴欲指我來咒誓。 |
| 45:24 | 有議論我講，
公義、能力，獨獨在佇耶和華； 人攏欲歸倚伊。 凡若受氣伊的，的確見誚。 |
| 45:25 | 以色列的後裔攏欲因為耶和華得著稱做義，
亦欲誇口。 |