| 章節 | 台語漢字本聖經 請按此下載安裝Open Han 2024版字型，免得漏掉造字 |
| 3:1 | 互青年人的忠告 我的子，通𣍐記得我的教示； 你的心著執守我的誡命； |
| 3:2 | 因為許個欲將久長的日子，
長的歲壽及平安，加添互你。 |
| 3:3 | 通互慈愛、誠實離開你，
著縛佇你的頷頸，刻佇你的心碑。 |
| 3:4 | 按呢，你欲佇上帝及人的面前
得著恩典及好名聲。 |
| 3:5 | 你著專心倚靠耶和華，
通倚靠你家己的𠢕， |
| 3:6 | 佇你一切所行的事攏著認伊，
伊欲指點你的路。 |
| 3:7 | 通家己看做智慧；
著敬畏耶和華，離開歹事。 |
| 3:8 | 這會互你的身體勇健，
潤澤你的筋骨。 |
| 3:9 | 著用你的財物
及你一切起頭熟的土產尊敬耶和華。 |
| 3:10 | 按呢，你的粟倉欲淀滿滿，
你的酒窟欲有新酒滿出來。 |
| 3:11 | 我的子，通看輕耶和華的警戒，
亦通厭賤伊的責備； |
| 3:12 | 因為耶和華責備伊所疼者，
親像老父責備伊所歡喜的子。 |
| 3:13 | 得著智慧者，得著聰明，
此號人有福氣。 |
| 3:14 | 因為得著伊贏過得著銀，
伊的得利卡贏好金， |
| 3:15 | 比紅寶石卡貴氣；
你所欣慕的，無一項會比得伊。 |
| 3:16 | 伊的正手有長歲壽，
伊的倒手有好額及尊貴。 |
| 3:17 | 伊的路是快樂的路；
伊的路徑攏是平安。 |
| 3:18 | 對佇持守伊的人，是做活命樹；
擒住伊的，逐個有福氣。 |
| 3:19 | 耶和華用智慧建立地，
用聰明安置天， |
| 3:20 | 用伊的智識互深淵裂開，
穹蒼落露水。 |
| 3:21 | 我的子，著執守真的智慧及計劃，
通互𪜶離開你的目睭。 |
| 3:22 | 按呢，𪜶欲佇你的靈魂做活命；
佇你的頷頸做媠的妝飾。 |
| 3:23 | 你就欲安然行你的路，
你的腳亦無著觸。 |
| 3:24 | 你倒啲，的確無驚；
你倒啲，欲真好睏。 |
| 3:25 | 忽然來的驚惶，你免驚；
歹人所抵著的敗壞，你也免驚。 |
| 3:26 | 因為耶和華欲做你所倚靠者；
伊欲保守你的腳無陷落羅網。 |
| 3:27 | 你的手若有行好的氣力，通推辭，
就著提互彼個應該得著的人。 |
| 3:28 | 你若有便，通對你的厝邊講：
請去，明仔日閣來，我欲互你。 |
| 3:29 | 你的厝邊佇你的附近安然徛起，
你通設計謀害伊。 |
| 3:30 | 人曾陷害你，
你通無因端及伊冤家。 |
| 3:31 | 通欣羨強暴的人，
亦通揀伊所行的路。 |
| 3:32 | 因為，橫逆的人是耶和華所厭惡；
正直的人伊及伊親密。 |
| 3:33 | 耶和華的咒詛到佇歹人的家，
若是好人的厝伊賞賜福氣互伊。 |
| 3:34 | 侮慢人的，伊侮慢伊，
施恩互謙卑的人。 |
| 3:35 | 智慧的人欲承接榮光；
愚戇的人升高也成做見誚。 |