現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
詩篇

章節台語漢字本聖經 請按此下載安裝Open Han 2024版字型,免得漏掉造字
22:1大衛的詩,交互樂官。調用「早起時的鹿母」。

痛苦中的祈禱及謳咾

我的上帝,我的上帝!啥事放離我?
啥事離開遠遠無救我?聽我喉叫的話?
22:2我的上帝啊,我日時求叫,你無聽我,
暝時求叫,我亦無靜靜。

22:3總是你是聖,
你是用以色列的謳咾做座位者。
22:4阮的列祖倚靠你;
𪜶倚靠你,你就拯救𪜶。
22:5𪜶哀求你,就得著拯救;
𪜶倚靠你,就不致見誚。

22:6總是我是蟲𧒴,是人,
互人譏刺,互百姓看輕。
22:7凡若看見我的攏恥笑我;
𪜶譊嘴搖頭,講:
22:8著將本身交代耶和華,伊通救伊!
耶和華既然歡喜伊,伊通救伊!

22:9總是你是互我出老母的胎者;
我佇老母的胸前,你互我倚靠你。
22:10我對胎裡出就交代你;
對我出老母的腹肚,你是我的上帝。
22:11通離開我遠遠!
因為患難迫近,無有幫助我的。

22:12有多多牛牨圍纍我,
巴珊勇的牛四面圍困我。
22:13𪜶向我開嘴,
親像啲擘拆,啲大聲哮的獅。

22:14我親像水傾出;
我的骨攏脫輪;
我的心親像蠟消溶佇腹內。
22:15我的精力枯焦,親像瓦片坯;
我的舌粘佇我的上腭。
你下我佇死地的土粉。

22:16狗的類圍我,歹黨包圍我;
𪜶鑿我的手,我的腳。
22:17我的骨頭,我攏會算得;
𪜶啲看我啲相我。
22:18𪜶分我的衫,
拈鬮我的衣服。

22:19耶和華啊,求你通離開我遠遠!
我的氣力啊,求你緊緊來幫助我!
22:20求你救我的神魂脫離刀劍,
救我的生命脫離狗的類的勢力,
22:21救我脫離獅的嘴;
你已經聽我,互我脫離野牛的角。

22:22我欲報揚你的名佇我的兄弟,
我欲謳咾你佇會中。
22:23恁驚畏耶和華者著謳咾伊!
雅各的後裔攏著榮光伊!
以色列的後裔攏著敬畏伊!
22:24因為伊無看輕,亦無厭賤困苦人的困苦,
亦無對伊掩面;
伊求叫伊的時,伊就聽伊。

22:25我佇大聚會的中間所謳咾者是對你來;
我欲佇驚畏伊的人的面前謝我的願。
22:26謙卑的人欲得著食飽;
尋耶和華的人欲謳咾伊。
願恁的心活到永遠!

22:27地的極頭攏欲數念,來歸順耶和華;
列邦的萬族攏欲敬拜佇你的面前。
22:28因為國是耶和華的;
伊是萬國的主宰。

22:29地上一切好漢的人欲飲食來敬拜;
見若歸土的人──𣍐會保全生命者
──攏欲仆拜佇伊的面前。
22:30有後裔欲服事伊;
主的代誌欲傳佇後代。
22:31𪜶欲來亦欲傳伊的公義互得欲出世的百姓,
知此個事是伊做的。



上一章 下一章 [ 條列 | 表格 | 整段 ]
現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
重新查詢


經文由台灣聖經公會提供, 不超過500節經文的使用權無須預先獲得批准,但請註明版權所屬。檢索技術與程式由 CBOL計畫提供,網站與資料庫資源由 信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative. 漢字字型2024版由聯合聖經公會Open Han Bible Project提供,羅馬字字型由SIL International免費授權提供,謹此致謝。使用者需遵守著作權聲明以免蹈法。