現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約伯記

章節台語漢字本聖經 請按此下載安裝Open Han 2024版字型,免得漏掉造字
5:1今做你求叫,看有是誰應你啊?
諸個聖者的中間,你欲向是誰啊?
5:2因為受氣的心會害死戇人;
怨妒會刣死頇顢的人。
5:3我曾看見戇人釘根,
總是忽然間我咒詛伊徛起的所在。
5:4伊的子兒離開安穩遠遠,
佇城門受壓迫,也無有拯救𪜶的。
5:5枵的人食伊所收成的,
佇莿帕內也搶去;
有活罩開嘴吞伊的財物。
5:6因為災禍是對土裡出來;
患難也是對地裡發生。
5:7總是人出世定著有患難,
親像火星飛上高。

5:8換做我,我欲求叫上帝,
將我的事交代上帝。
5:9就是行代誌大到𣍐測𢜬得的,
行奇事算𣍐了的;
5:10伊落雨佇地面上,
賞賜水佇田園裡;
5:11欲安置卑微的佇高的所在,
欲舉起哀慘的佇安穩的地;
5:12伊破壞狡怪的人的計謀,
致到𪜶的手所做的𣍐成功。
5:13伊互智慧的人中家己的詭計,
互詭譎的人的計謀緊緊敗。
5:14𪜶日時抵著黑暗,
日中晝四界摸親像暝時。
5:15伊救喪鄉人
脫離𪜶的嘴的刀劍以及強暴的人的手。
5:16對按呢,軟茈的有向望,
不義的嘴塞密。

5:17看啊,上帝所警戒的彼人有福氣!
所以你通看輕全能者的督責。
5:18因為伊互人痛疼,就給伊包密;
伊傷人,也伊的手醫好伊。
5:19伊欲救你,佇六擺的患難;
就若七擺,災害也無磕著你。
5:20佇飢荒的時,伊欲救你脫離死;
佇交戰的時,伊欲救你脫離刀劍的勢力。
5:21你欲得著囥密,免受嘴舌的攻擊;
災禍到的時,你也免驚。
5:22災害及飢荒,你欲笑伊;
地上的野獸,你也免驚。
5:23因為你欲及田園裡的石結約;
田野的獸也欲及你和好。
5:24你欲知你的布棚平安,
你欲去看你的羊,攏無欠缺;
5:25你也欲知你的子孫多多,
你的後裔親像地上的青草。
5:26你欲歲壽滿足才歸墓,
親像稻稇到時收囥。
5:27看啊,這阮有查到徹底,實在是按呢。
你著聽,知是做你的利益。



上一章 下一章 [ 條列 | 表格 | 整段 ]
現中2019版現中1995版新標點和合本上帝版新標點和合本神版和合本2010上帝版和合本2010神版呂振中譯本委辦譯本四福音書共同譯本賽德克語聖經阿美語聖經2019版阿美語聖經1997版台語漢字本聖經現代台語漢字2021版現代台語羅馬字2021版現代台語羅馬字2013版現代台語漢字2013版現代客語譯本漢字現代客語譯本羅馬字ESVKJV布農語聖經卑南語聖經泰雅爾語聖經鄒語聖經太魯閣語聖經魯凱語聖經萬山魯凱語馬可福音茂林魯凱語馬可福音多納魯凱語馬可福音達悟語聖經
重新查詢


經文由台灣聖經公會提供, 不超過500節經文的使用權無須預先獲得批准,但請註明版權所屬。檢索技術與程式由 CBOL計畫提供,網站與資料庫資源由 信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative. 漢字字型2024版由聯合聖經公會Open Han Bible Project提供,羅馬字字型由SIL International免費授權提供,謹此致謝。使用者需遵守著作權聲明以免蹈法。