上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
寡婦及審判官的譬喻
18:1 耶穌設一個譬喻，教示𪜶著常常祈禱，
18:2 通厭。講：「某城有一個審判官，無驚上帝，也無對重人。
18:3 佇彼個城內有一個守寡人，沓沓去見伊，講：『有人及我做對敵，求你替我伸冤。』
18:4 伊久久無欲，後來想講：『我雖然無驚上帝，無對重人，
18:5 若是因為此個守寡人沓沓來攪擾，我欲替伊伸冤，免得伊永永來苦楚我！』」
18:6 主閣講：「恁著聽此個不義的官所講的。
18:7 何況上帝揀的百姓暝日喉叫伊，伊也為著𪜶寬容，豈無欲替𪜶伸冤嗎？
18:8 我給恁講，伊欲緊緊替𪜶伸冤。雖然按呢，人子到的時，豈欲抵著世間有信嗎？」
法利賽人及抽餉者的祈禱
18:9 有倚靠家己做義，來看輕別人的，耶穌設一個譬喻給𪜶講：
18:10 「有二人上殿欲祈禱：一個是法利賽人，一個是抽餉的。
18:11 法利賽人徛啲，家己祈禱講：『上帝啊，我感謝你，因為我無親像別人勒索、不義、姦淫，也無親像此個抽餉的。
18:12 我一禮拜禁食二擺，閣將凡所得著的十份抽一份。』
18:13 若是彼個抽餉的遠遠徛啲，連攑目向天也敢，干單搥胸講：『上帝啊，憐憫我此個有罪的人！』
18:14 我給恁講，此個人倒去伊的厝得著稱做義贏過彼個人；因為，見若自高的，欲互伊卑微；家己卑微的，欲高升伊。」
耶穌為細子祝福
18:15 ( 太 19:13-15 可 10:13-16 )
有人帶嬰仔就近耶穌，欲互伊摸𪜶；學生看見就責備𪜶。
18:16 若是耶穌叫許個嬰仔來，講：「容允細子就近我，莫得禁伊，因為上帝的國是此號人的。
18:17 我實在給恁講，凡若承接上帝的國，無親像細子的，決斷𣍐得通入去。」
好額的官求永活的路
18:18 ( 太 19:16-30 可 10:17-31 )
有一個做官的問伊講：「好的先生啊，我著怎樣做才通承接永活？」
18:19 耶穌給伊講：「你啥事稱呼我是好啊？無一個好，獨獨上帝若定。
18:20 諸個誡你已經知：『莫得姦淫；莫得刣死人；莫得偷提；莫得濫糝做干證；著敬你的父母。』」
18:21 伊就講：「諸個我對細漢攏守伊啦。」
18:22 耶穌聽見，就給伊講：「你猶欠一項；著賣你一切所有的，來互喪鄉人，就欲有財寶佇天裡；閣來隨我。」
18:23 彼人聽見諸個話，真憂悶，因為伊真好額。
18:24 耶穌看見伊，就講：「富人入上帝的國啊！
18:25 因為駱駝穿過針鼻比富人入上帝的國猶卡快！」
18:26 聽見的人講：「按呢，是誰會得著救啊？」
18:27 耶穌講：「在人所𣍐會的，在上帝是會。」
18:28 彼得講：「阮已經放拺家己所有的來隨你。」
18:29 耶穌給𪜶講：「我實在給恁講，無有人為著上帝的國來放拺厝宅，抑是某，抑是兄弟，抑是父母，抑是子兒，
18:30 也無佇此世得著幾若倍卡多，來世得著永活。」
耶穌第三擺預言受苦及復活
18:31 ( 太 20:17-19 可 10:32-34 )
耶穌帶十二個學生，對𪜶講：「你看，咱諸個上耶路撒冷，見若對先知所記的攏欲應驗佇人子。
18:32 因為伊欲受解送互異邦人；閣受戲弄，凌辱，呸涎，
18:33 𪜶欲鞭拍，來害死伊；第三日伊欲復活。」
18:34 許個代誌學生無一項會曉得，閣此個話對佇𪜶是隱密；𪜶也知伊所講的。
醫好耶利哥的睛瞑的
18:35 ( 太 20:29-34 可 10:46-52 )
近耶利哥的時，有一個睛瞑的坐佇路邊啲乞食。
18:36 聽見多多人經過，就問是甚麼代誌。
18:37 人給伊講，拿撒勒耶穌對遮過。
18:38 伊就喉叫講：「大衛的後裔耶穌，可憐我！」
18:39 頭前行的人責備伊，教伊著靜靜；若是伊益發大聲喉叫講：「大衛的後裔啊，可憐我！」
18:40 耶穌停腳，教人牽伊來，已經近倚，就問伊講：
18:41 「愛我給你做甚麼？」伊就講：「主啊，我愛得著看見。」
18:42 耶穌給伊講：「你通得著看見！你的信有救你啦。」
18:43 伊連鞭得著看見，就隨耶穌，歸榮光上帝。眾人看見也攏歸榮光上帝。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。