上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌受試探
4:1 ( 太 4:1-11 可 1:12-13 )
耶穌受聖神充滿，對約但河倒來，互聖神導伊佇曠野裡，
4:2 四十日久互魔鬼試伊。諸個日的中間無食甚麼物；後來，就枵。
4:3 魔鬼給伊講：「你若是上帝的子著教此個石變做餅。」
4:4 耶穌應伊講：「有記載講：『人的活若倚靠餅。』」
4:5 魔鬼閣導伊絔上高，一目𥍉久用天下萬國互伊看，
4:6 就給伊講：「此個一切的權，及𪜶的榮光，我欲互你，因為此個已經交互我，出在我欲互甚麼人就互伊。
4:7 所以你若拜佇我的面前，就攏總是你的。」
4:8 耶穌應伊講：「有記載講：
著拜主──你的上帝，
獨獨服事伊若定。」
4:9 閣導伊到耶路撒冷，互伊徛佇殿的尾溜，給伊講：「你若是上帝的子，著對遮家己趒落去；
4:10 因為有記載講：
伊欲為著你命令伊的天使保護你；
4:11 閣講：「𪜶欲用手扶你，
免得你的腳觸著石。」
4:12 耶穌應伊講：「有講：『莫得試主──你的上帝。』」
4:13 魔鬼已經盡逐項的試，就暫時離開伊。
開始佇加利利傳道
4:14 ( 太 4:12-17 可 1:14-15 )
耶穌佇聖神的權能，倒轉去加利利；伊的名聲遍傳佇四圍的地方。
4:15 伊佇𪜶的會堂教示，互眾人謳咾伊。
拿撒勒人厭賤耶穌
4:16 ( 太 13:53-58 可 6:1-6 )
耶穌到拿撒勒，就是伊長成的所在。佇安息日，照伊平常的法度入會堂，就徛啲欲讀。
4:17 有人將先知以賽亞的冊互伊，伊就掀開，尋著彼所在記講：
4:18 主的神臨到我，
因為伊用油抹我，
互我傳福音互喪鄉人；
伊有差我給受掠的人講：
𪜶會得解放，
給睛瞑的講，𪜶會得著閣光，
來解放受壓制的人，
4:19 宣傳主歡喜的年。
4:20 耶穌合冊，還執事，就坐啲。佇會堂的眾人攏注目看伊。
4:21 伊就開嘴對𪜶講：「此個聖經的應驗，恁今仔日有聽見啦。」
4:22 眾人攏干證伊，奇怪伊的嘴所出恩典的話；就講：「此個豈是約瑟的子嗎？」
4:23 伊就對𪜶講：「恁的確引此個俗語對我講：『醫生啊，你著家己醫！見若阮聽見你行佇迦百農的，也著行佇遮，就是你的本所在』」；
4:24 閣講：「我實在給恁講，未有先知佇本所在互人接納伊。
4:25 若是我真實給恁講，當以利亞的時，天亢旱三年半，遍地大飢荒，彼時，以色列中有多多守寡人，
4:26 以利亞未曾奉差去尋𪜶一人，只有去西頓的撒勒法尋一個守寡人。
4:27 閣先知以利沙的時，以色列中有多多癩𰣻的，其中無一人得著清氣，只有敘利亞人乃縵若定。」
4:28 佇會堂的人聽見諸個話，攏滿心受氣，
4:29 就起來趕伊出城外（𪜶的城起佇山頂）；眾人帶伊到山崁，欲給伊捙落去。
4:30 若是耶穌對𪜶中間行過，做伊去。
一個患著鬼的人
4:31 ( 可 1:21-28 )
落去到迦百農，就是加利利一個城，佇安息日教示人。
4:32 人奇怪伊的教示，因為伊的話有權。
4:33 會堂內有一個患著鬼的人，大聲叫講：
4:34 「嗐！拿撒勒的耶穌，阮及你甚麼干涉？你來欲滅阮嗎？我知你是誰，就是上帝的聖者。」
4:35 耶穌責備伊講：「你著靜靜，對伊出去！」鬼就捙倒彼人佇眾人的中間，才出去，攏無傷著伊。
4:36 眾人卬愕，相及議論講：「這是甚麼話啊？因為伊用權柄及能力命令諸個邪神，𪜶就出去。」
4:37 伊的名聲就遍傳佇四圍的地方。
醫好多多病人
4:38 ( 太 8:14-17 可 1:29-34 )
耶穌對會堂起來，入西門的家。西門的丈姆患著重的熱病，人替伊求耶穌。
4:39 耶穌徛倚，俯落責備伊的熱病，熱就退。婦仁人隨時起來伺候𪜶。
4:40 日落的時，見若有病的，不論患著甚麼病，人攏帶𪜶來就近耶穌。耶穌按手佇𪜶逐人的身上，來醫好𪜶。
4:41 閣有鬼對多多人出去，叫講：「你就是上帝的子。」耶穌因為鬼識伊是基督，就責備𪜶，准𪜶講。
佇加利利各會堂傳道
4:42 ( 可 1:35-39 )
天光的時，耶穌去佇曠野的所在。歸陣人尋伊，就近伊，愛留伊，互伊莫得離開𪜶去。
4:43 若是伊對𪜶講：「我也著佇別個城傳上帝國的福音，因為我奉差就是為著這。」
4:44 伊就佇加利利諸個會堂來宣傳。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。