上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
新年著獻的祭
29:1 ( 利 23:23-25 )
「七月初一，恁著舉行聖會，任何日常的工作攏毋通做；這是恁歕哨角的日。
29:2 恁著獻芳芳的燒化祭互上主，就是獻無瑕疵的一隻牛仔、一隻綿羊、七隻一歲的綿羊仔。
29:3 獻素祭的時，著用抄油的幼麵粉：一隻牛配合三公斤，一隻綿羊配合兩公斤；
29:4 彼七隻綿羊仔，逐隻配合一公斤。
29:5 閣著獻一隻山羊做贖罪祭，給恁贖罪。
29:6 除了逐個月初一的燒化祭及做夥獻的素祭，以及逐日著獻的燒化祭及素祭，以及照規例獻的奠酒祭以外，以上許個攏著用火燒做芳芳的祭物獻互上主。」
贖罪日著獻的祭
29:7 ( 利 23:26-32 )
「七月初十，恁著舉行聖會，刻苦禁食，任何日常的工作攏毋通做。
29:8 恁著獻芳芳的燒化祭互上主，就是無瑕疵的一隻牛仔、一隻綿羊，及七隻一歲的綿羊仔。
29:9 獻素祭的時，著用抄油的幼麵粉：獻牛的時，著配合三公斤；獻綿羊的時，著配合兩公斤；
29:10 獻彼七隻綿羊仔的時，逐隻著配合一公斤。
29:11 閣著獻一隻山羊做贖罪祭。諸個是贖罪祭、逐日獻的燒化祭及素祭，以及奠酒祭以外著獻的祭。」
搭寮節著獻的祭
29:12 ( 利 23:33-44 申 16:13-15 )
「七月十五，恁著舉行聖會敬拜上主；任何日常的工作攏毋通做，七日久守節慶祝。
29:13 恁著獻燒化祭，用火燒做芳芳的祭物獻互上主，就是獻無瑕疵的十三隻牛仔、兩隻綿羊、十四隻一歲的綿羊仔。
29:14 獻十三隻牛仔的時，逐隻著配合三公斤抄油的幼麵粉做素祭；獻兩隻綿羊的時，逐隻著配合兩公斤抄油的幼麵粉；
29:15 獻十四隻綿羊仔的時，逐隻著配合一公斤抄油的幼麵粉。
29:16 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:17 「第二日，著獻無瑕疵的十二隻牛仔、兩隻綿羊、十四隻一歲的綿羊仔。
29:18 獻牛仔、綿羊，及綿羊仔的時，嘛著照數目及規例獻素祭及奠酒祭。
29:19 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:20 「第三日，著獻無瑕疵的十一隻牛仔、兩隻綿羊、十四隻一歲的綿羊仔。
29:21 獻牛仔、綿羊，及綿羊仔的時，嘛著照數目及規例獻素祭及奠酒祭。
29:22 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:23 「第四日，著獻無瑕疵的十隻牛仔、兩隻綿羊、十四隻一歲的綿羊仔。
29:24 獻牛仔、綿羊，及綿羊仔的時，嘛著照數目及規例獻素祭及奠酒祭。
29:25 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:26 「第五日，著獻無瑕疵的九隻牛仔、兩隻綿羊、十四隻一歲的綿羊仔。
29:27 獻牛仔、綿羊，及綿羊仔的時，嘛著照數目及規例獻素祭及奠酒祭。
29:28 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:29 「第六日，著獻無瑕疵的八隻牛仔、兩隻綿羊、十四隻一歲的綿羊仔。
29:30 獻牛仔、綿羊，及綿羊仔的時，嘛著照數目及規例獻素祭及奠酒祭。
29:31 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:32 「第七日，著獻無瑕疵的七隻牛仔、兩隻綿羊、十四隻一歲的綿羊仔。
29:33 獻牛仔、綿羊，及綿羊仔的時，嘛著照數目及規例獻素祭及奠酒祭。
29:34 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:35 「第八日，恁著舉行嚴肅會，任何日常的工作攏毋通做。
29:36 恁著獻無瑕疵的一隻牛仔、一隻綿羊、七隻一歲的綿羊仔，用火燒做芳芳的燒化祭獻互上主。
29:37 獻牛仔、綿羊，及綿羊仔的時，嘛著照數目及規例獻素祭及奠酒祭。
29:38 閣著獻一隻山羊做贖罪祭。諸個是逐日獻的燒化祭、素祭，及奠酒祭以外著獻的祭。
29:39 「以上諸個燒化祭、素祭、奠酒祭，及平安祭，恁著佇所定的節期獻互上主，這是恁出佇所下的願及甘心獻的以外所著獻的。」
29:40 摩西就攏照上主的命令吩咐以色列人。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。