上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
雅各書
毋通及世間作朋友
4:1 恁中間的鬥爭及爭執對叨位來？豈毋是對恁肢體中間不時啲爭執及鬥爭的慾望來？
4:2 恁想欲得著，得𣍐著，就欲刣人。恁慾望滿滿，毋拘𣍐當滿足，就爭執鬥爭。恁得𣍐著所愛的，因為無對上帝求。
4:3 恁祈求，毋拘得𣍐著，因為恁的動機毋好，所求的干焦是欲滿足家己的快樂。
4:4 恁諸個毋信的人啊，豈毋知及世間作朋友就是及上帝作對敵？
4:5 聖經講：「上帝深深意愛伊囥佇咱內面的神」，恁想聖經所寫此句話無意思是無？
4:6 不過上帝賜咱的恩典閣較大。因為按呢，聖經有講：
上帝敵對驕傲的人，
施恩互謙卑的人。
4:7 所以，恁著順服上帝，反抗魔鬼，魔鬼就會逃走離開恁。
4:8 著親近上帝，上帝就會親近恁。罪人啊，著洗恁的手；無定性的人啊，著潔淨恁的心。
4:9 著悲傷，哀痛，啼哭；著互恁的快樂變做悲哀，歡喜變做憂愁。
4:10 著佇主的面前謙卑，伊就會給恁高升。
毋通批判兄弟抑是姊妹
4:11 兄弟姊妹，毋通互相講歹話。講兄弟姊妹的歹話，批判兄弟抑是姊妹，就是講律法的歹話，批判律法。你若批判律法就毋是律法的遵守者，是律法的批判者。
4:12 律法的制定者及審判者只有一位，伊會拯救，嘛會毀滅。你是啥人，哪敢批判你的厝邊？
毋通誇口
4:13 呃，恁聽我講。有人講「今仔日抑是明仔載阮欲去某一個城，佇遐住一年，做生理賺錢」。
4:14 恁連明仔載性命會變按怎都毋知！恁假若濛霧出現一下仔久連鞭就消失。
4:15 恁應該按呢講：「主若願意，阮就會活，通做此項做彼項。」
4:16 恁現在敢驕傲自大；此款的驕傲攏是邪惡。
4:17 所以，人知影著做好事，無去做就是犯罪。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。