上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以弗所書
1:1 我是保羅，奉上帝的旨意作基督耶穌的使徒；我寫批互住佇以弗所，屬基督耶穌忠信的信徒。
1:2 願咱的父上帝及主耶穌基督賜恁恩典及平安！
通過基督得著屬靈的福氣
1:3 著稱讚咱的主耶穌基督的父上帝！因為伊有將天頂逐款屬靈的福氣，通過咱及基督結連，賜互咱。
1:4 創世以前，上帝已經通過基督揀選咱，互咱佇伊面前成做聖潔無缺點的人。
因為上帝疼咱，
1:5 早就決定欲通過耶穌基督互咱作伊的子兒歸伊；這是伊所歡喜的，是伊的旨意。
1:6 咱著頌讚上帝榮耀的恩典，因為伊有將伊所疼的子無條件賜互咱！
1:7 對基督，通過伊的死，咱得著自由，罪過得著赦免。上帝的恩典實在真豐富；
1:8 伊有將此個恩典充充足足賜互咱。伊用逐款的智慧及理解，
1:9 照伊所歡喜的旨意，互咱知伊早就決定通過基督來完成奧妙的計劃。
1:10 此個計劃，上帝欲佇時機成熟的時完成，通互天頂及地上一切的被造物攏尊基督作頭，聯合做一個。
1:11 萬有攏照上帝的計劃及決定來完成。上帝照伊代先決定的旨意，通過基督揀選阮來承接伊的家業。
1:12 按呢是欲互阮諸個代先將向望囥佇基督的人通頌讚上帝的榮耀。
1:13 通過基督，恁嘛有聽著真理的信息，就是彼個互恁得救的福音，彼時恁有信，上帝就賜恁所應允的聖神，給恁蓋印證明恁屬伊。
1:14 聖神保證咱通承接上帝所應允的家業，直到互屬伊的人得著完全的自由，通頌讚伊的榮耀。
保羅的祈禱
1:15 因為按呢，我一下聽著恁對主耶穌有信心，對所有的信徒有疼心，
1:16 就為著恁不時啲感謝上帝。我佇祈禱中數念恁，
1:17 祈求咱的主耶穌基督的上帝，榮耀的天父，賜聖神互恁有智慧及啟示通認識伊。
1:18 我懇求上帝開恁的心眼，互恁通知伊選召恁來得著的向望是什麼。伊對伊的信徒所應允的祝福偌仔呢豐富，
1:19 佇咱信伊的人中間啲運行的權能偌仔呢大。伊有運用此個氣力互基督對死人中閣活，閣互基督佇天頂坐佇伊家己的正旁，
1:20 併於上節
1:21 佇遐超越所有的統領者、掌權者、權力者、主政者，以及一切現在及將來會當稱呼的銜頭。
1:22 上帝互萬有攏屈服佇基督的腳下，互伊作教會的元首，統治萬有。
1:23 教會是基督的身體，是充滿萬有的基督所完全充滿的。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。