上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
2:1 上帝對我講：「人子啊，徛起來！我有話欲給你講。」
2:2 伊講話的時，上帝的神進入我的內面，互我徛起來。我聽見伊給我講：
2:3 「人子，我欲派你去以色列人，就是背逆我的國民遐。𪜶及𪜶的祖先背逆我，現在猶啲背叛我。
2:4 諸個子民面皮厚，心硬，我派你去𪜶遐，傳達我 — 至高的上主欲給𪜶講的話。
2:5 不管諸個背逆的人欲聽抑是毋聽，𪜶應該知有一個先知佇𪜶中間。
2:6 「人子，毋免驚𪜶，嘛毋免因為𪜶講的話驚惶。雖然𪜶會反抗，看𣍐起你，互你親像受草刺及蒺藜包圍，閣親像𫢶佇蝎仔蟲中間，你毋免驚𪜶講的話，嘛毋免因為𪜶的面色著驚。
2:7 不管𪜶欲聽抑是毋聽，你著將我的話給𪜶講，因為𪜶是背逆的人。
2:8 「人子，著聽我給你講的話；毋通及許個背逆的人像款背叛我。開你的嘴，將我欲互你的物食落去。」
2:9 看咧，我看見一支手伸過來我遮，手內有一卷冊卷。
2:10 伊佇我的面前搋開彼卷冊卷；我看見冊的雙面攏有寫字，內面寫的是哀歌、吐氣，及災禍的話。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。