上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
雅各及以掃相見
33:1 雅各攑目看，看見以掃來，閣有四百人及伊來，伊就將許個囝仔分開交互利亞，交互拉結，交互二個女婢，
33:2 將女婢及𪜶的子排佇頭前，利亞及伊的子排佇後面，拉結及約瑟排佇路尾。
33:3 伊本身佇𪜶的頭前過去，連連七擺仆佇地裡才倚近伊的兄。
33:4 以掃走來迎接伊，將伊抱啲，閣攬伊的頷頸，唚伊，二人就啼哭。
33:5 以掃攑目看見婦仁人及囝仔，就講：「諸個及你同行者是是誰？」雅各講：「諸個囝仔是上帝施恩互你的奴僕的。」
33:6 對彼霎二個女婢及𪜶的囝仔進前來拜；
33:7 利亞及伊的囝仔亦進前來拜；路尾約瑟及拉結亦進前來拜。
33:8 以掃講：「我所抵著歸群的精牲，你是甚麼意思？」雅各講：「是欲佇我的主的面前得著恩典。」
33:9 以掃講：「小弟啊，我的已經夠額，你的猶原歸你。」
33:10 雅各講：「莫按呢，我若佇你的面前得著恩典，求你對我的手收我的禮物；因為我見著你的面，親像見著上帝的面，你亦接納我。
33:11 求你收我帶來互你的禮物；因為上帝恩典我，互我充足。」迫伊，然後收。
33:12 以掃講：「咱起身來去，我做頭行。」
33:13 雅各對伊講：「我的主知諸個囝仔軟茈，牛羊亦抵仔生，若做一日趕，歸群攏欲死。
33:14 求我的主佇奴僕的頭前行，我欲照佇我面前歸群精牲的力量亦照囝仔的力量慢慢進前，行到西珥到我的主遐。」
33:15 以掃講：「容允我將隨我的人留幾個及你做陣。」雅各講：「乜使按呢？佇我的主的面前得著恩典就好。」
33:16 彼日，以掃起身，照原路倒去西珥。
33:17 雅各行到疏割，佇遐為本身起厝，為精牲搭草寮；所以名彼所在做疏割。
33:18 雅各對巴旦‧亞蘭倒來的時，平安到迦南地的示劍城，佇城的面前搭布棚，
33:19 用一百塊銀對示劍的老父、哈抹的子孫買伊搭布棚彼塊地，
33:20 佇遐起一座壇，給伊號名叫伊利‧伊羅伊‧以色列。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。