上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記下
大衛結尾的話
23:1 大衛結尾的話排列佇下底。耶西的子大衛講得著升高的人，是雅各的上帝所抹油的，佇以色列𠢕做歌者講：
23:2 耶和華的神用我來講：
伊的話佇我的舌。
23:3 以色列的上帝有講，
以色列的石磐對我講：
用公義治理人，
敬畏上帝來治理的，
23:4 伊欲親像透早日抵仔出的光，
無雲的清早，
雨落過身的光彩，
互地發幼幼的草。
23:5 我的家佇上帝的面前是按呢；
猶久伊有及我立永遠的約。
無照次序排列閣堅固，
雖然伊無互伊生長，
這就是我一切的拯救，一切的意願。
23:6 總是匪類攏親像莿仔欲受割拺：
人敢用手提伊；
23:7 欲摸伊的人著用鐵器及槍柄，
佇伊的所在欲互火一盡燒去。
大衛的勇士
23:8 ( 代上 11:10-41 )
大衛勇士的名記佇下底：軍長的頭，他革捫人約設‧巴設，就是伊斯尼人亞底羅，一時拍死八百人。
23:9 閣一個是亞合人朵多的子以利亞撒。前非利士人聚集欲交戰，以色列人已經去，有三個勇士隨大衛對非利士人討戰，伊是𪜶中間的一個。
23:10 伊起來拍非利士人，到手酸，手及劍相粘。彼日耶和華大大卡贏；眾百姓越轉佇伊的後面，顧搶物若定。
23:11 閣一個是哈拉人亞基的子沙瑪。有一日，非利士人聚集成陣，佇一區紅豆的園，百姓就佇非利士人的面前逃走。
23:12 伊擋住佇彼區園，來保守伊，拍非利士人，耶和華大大卡贏。
23:13 收割的時，三十個首領中有三人落去到亞杜蘭洞見大衛。非利士人的軍兵紮營佇利乏音的山谷。
23:14 彼時大衛佇山寨，非利士人防守的兵佇伯利恆。
23:15 大衛欣羨，講：「是誰會用伯利恆城門邊的井水互我飲？」
23:16 此三個勇士就衝過非利士人的營盤，對伯利恆城門邊的井汲水，捾來互大衛。總是伊甘飲，就傾佇耶和華的面前，
23:17 講：「耶和華啊，我決斷做按呢；這豈是拋命去的人的血。」所以伊飲。此三個大勇士有做諸個代誌。
23:18 洗魯雅的子、約押的小弟亞比篩是做三個勇士的頭人；伊攑伊的槍拍死三百人，就佇三個勇士中有名。
23:19 伊豈是三個勇士中的第一尊貴的嗎？所以做𪜶的頭，總是不及前三個勇士。
23:20 閣有甲設人大勇士耶何耶大的子比拿雅，伊有行出多多大事；伊刣死摩押人亞利伊勒二個子，閣佇落雪的時落坑內，刣死一隻獅，
23:21 閣刣死埃及一個大漢人；埃及人手裡攑槍，比拿雅只有攑槌落去伊遐，搶埃及人手裡的槍，用彼支槍給伊剗死。
23:22 這是耶何耶大的子比拿雅所行的事，就佇三個勇士中得著名。
23:23 伊比三十個勇士卡尊貴，總是不及前三個勇士。大衛設立伊做伊的侍衛長。
23:24 三十個勇士中有約押的小弟亞撒黑；閣有伯利恆人朵多的子伊勒哈難，
23:25 哈律人沙瑪，哈律人以利加，
23:26 帕勒提人希利斯，提哥亞人益吉的子以拉，
23:27 亞拿突人亞比以謝，戶沙人米本乃，
23:28 亞合人撒們，尼陀法人瑪哈萊，
23:29 尼陀法人巴拿的子希立，便雅憫族、基比亞人利拜的子以太；
23:30 比拉頓人比拿雅，迦實溪人希太；
23:31 伯亞拉巴人亞比亞本，巴魯米人押斯瑪弗，
23:32 沙本人以利雅哈巴，雅善諸個子中的約拿單，
23:33 哈拉人沙瑪，哈拉人沙拉的子亞希暗，
23:34 瑪迦人亞哈拜的子以利法列，基羅人亞希多弗的子以連，
23:35 迦密人希斯萊，亞巴人帕萊，
23:36 瑣巴人拿單的子以甲，迦得人巴尼，
23:37 亞捫人洗勒，比錄人拿哈萊（是給洗魯雅的子約押攑軍器的），
23:38 以帖人以拉，以帖人迦立，
23:39 赫人烏利亞，共三十七人。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。