上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
摩西去世
34:1 摩西對摩押平洋上尼波山，上彼個及耶利哥相對的毗斯迦山頭。耶和華互伊看基列全地直到但，
34:2 拿弗他利全地，以法蓮、瑪拿西的地，猶大全地到西海，
34:3 南方及叫做棗樹城的耶利哥山谷的平洋，到瑣珥。
34:4 耶和華對伊講：「此個地就是我對亞伯拉罕、以撒、雅各咒誓，講：『我欲賞賜你的後裔的。』今我互你親目看見，總是你𣍐得著過去到遐。」
34:5 耶和華的奴僕摩西就死佇遐，佇摩押的地，照耶和華所講的。
34:6 耶和華埋葬伊佇摩押地、伯‧毗珥相對的山谷，到今仔日無人知伊的墓。
34:7 摩西死的時一百二十歲；目睭無花，精力無衰退。
34:8 以色列人佇摩押平洋為著摩西哀哭三十日，為著摩西憂悶哀哭的日滿啦。
34:9 嫩的子約書亞得著智慧的神充滿；因為摩西曾按手佇伊的頂面，以色列人就聽趁伊，照耶和華所命令摩西的來行。
34:10 後來以色列中無閣興起先知親像摩西。伊是耶和華面對面所識的。
34:11 照耶和華差伊佇埃及地對法老及伊攏總的人臣，以及伊的全地所行逐樣的神蹟奇事，
34:12 也照大權能的手，大通驚的事，就是摩西所行佇以色列眾人的目睭前的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。