上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
創世記
上帝吩咐亞伯拉罕獻以撒
22:1 諸個代誌以後，上帝試亞伯拉罕，叫伊講：「亞伯拉罕！」伊應講：「我佇遮。」
22:2 上帝講：「你帶你的子，就是你獨生的子，你所疼的以撒，去摩利亞的地，我所欲指示你的山，佇遐將伊獻做燒祭。」
22:3 亞伯拉罕透早起來，備辦驢，帶伊的二個少年人及伊的子以撒，亦破燒祭的柴，就起身去上帝所指示伊的地。
22:4 到第三日，亞伯拉罕攑目遠遠看彼個所在。
22:5 亞伯拉罕對伊的少年人講：「恁及驢𫢶遮聽候，我及囝仔去遐敬拜，就倒來恁遮。」
22:6 亞伯拉罕將燒祭的柴下佇伊的子以撒的身上，家己的手攑火及刀；對彼霎二人相及行。
22:7 以撒給伊的老父亞伯拉罕講：「父啊！」伊講：「我的子，我佇遮。」伊講：「你看，火及柴攏有，總是燒祭的羊仔佇叨落？」
22:8 亞伯拉罕講：「我的子，上帝欲家己備辦燒祭的羊仔。」對彼霎二人相及行。
22:9 𪜶到上帝指示伊的所在，亞伯拉罕佇遐起壇，將柴排好，縛伊的子以撒，下佇壇裡的柴頂。
22:10 亞伯拉罕就伸手攑刀，欲刣伊的子。
22:11 耶和華的使者對天叫伊講：「亞伯拉罕！亞伯拉罕！」伊應講：「我佇遮。」
22:12 使者講：「你通佇此個囝仔的身上下手，亦通對伊怎樣做。因為我今知你是敬畏上帝；亦無將你的子，就是你獨生者，留啲互我。」
22:13 亞伯拉罕攑目看，看見後面有一隻羊牨，角纏佇歸部的樹仔，亞伯拉罕就去掠彼隻羊牨來，獻做燒祭，來替伊的子。
22:14 亞伯拉罕名彼個所在叫「耶和華以勒」，到今仔日人猶啲講：「佇耶和華的山欲備辦。」
22:15 耶和華的使者第二擺對天叫亞伯拉罕講：
22:16 「耶和華講：『你已經行此個事，無留你的子，就是你獨生的子，我就指家己咒誓講：
22:17 我賜福欲賜福你；加添欲加添你的後裔，親像天頂的星，海邊的沙。你的後裔欲得著諸個對敵的關隘，
22:18 閣地上萬邦欲因為你的後裔得著福氣；因為你聽趁我的話。』」
22:19 對彼霎亞伯拉罕倒來伊許個少年人遐，𪜶就相及起身去別是巴，亞伯拉罕就𫢶佇別是巴。
拿福的世系
22:20 諸個代誌了後，有人給亞伯拉罕講：「密迦給你的小弟拿福生子，
22:21 大的烏斯，小弟布斯及亞蘭的老父基某利，
22:22 及基設、哈瑣、必達、益拉、彼土利（彼土利生利百加）。」
22:23 此八人攏是密迦給亞伯拉罕的小弟拿福生的。
22:24 拿福的細姨名流瑪，生提八、迦含、他轄，及瑪迦。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。