上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
有關戰交
20:1 「你出去及對敵交戰的時，看見馬、車，以及百姓比你卡多個，免驚𪜶，因為導你出埃及地的耶和華──你的上帝及你佇啲。
20:2 恁啲欲臨陣交戰的時，祭司著到百姓的面前宣佈，
20:3 對𪜶講：『以色列人啊，恁著聽，恁今仔日欲及百姓對敵交戰，通失膽，通驚，來愕愕惙，也通因為𪜶來愞懾；
20:4 因為耶和華──恁的上帝就是及恁相及去的，欲替恁及對敵交戰來拯救恁。』
20:5 許個官長也著對百姓宣佈講：『是誰起新厝，猶未行落成的禮啊？伊著倒去𪜶兜，驚了伊陣亡，別人行落成的禮。
20:6 是誰種葡萄園，猶未有用著伊的果子啊？伊也通倒去𪜶兜，驚了伊陣亡，別人去用伊。
20:7 是誰聘定某，猶未娶伊啊？伊也通倒去𪜶兜，驚了伊陣亡，別人娶伊。』
20:8 許個官長閣著對百姓宣佈講：『是誰驚惶失膽啊？伊通倒去𪜶兜，驚了伊的兄弟的心消溶，親像伊的心一樣。』
20:9 許個官長對百姓宣佈明白，著設立許個軍長做頭來導百姓。
20:10 「你倚近一個城、欲拍的時，著代先對伊宣佈和平的話。
20:11 伊若用和平的話答覆你，給你開城門，彼中間所有的百姓攏欲做你的差用，來服事你；
20:12 伊若肯及你和好，反轉欲及恁交戰，恁就著圍困伊；
20:13 耶和華──你的上帝用伊交付你，你就著用刀一盡刣死伊許個查甫丁。
20:14 獨獨婦女、囝仔、精牲、及城內一切所搶的物，你通搶伊來做家己的路用。你所搶你的對敵的物，就是耶和華──你上帝所賞賜你的，你通食用。
20:15 離開你遠遠許個城，是諸個列國的城，你著按呢款待伊。
20:16 獨獨屬諸個百姓的城，耶和華──你上帝已經賞賜你做業，其中見有喘氣的，你通互伊活啲；
20:17 著照耶和華──你上帝所命令你的將赫人、亞摩利人、迦南人、比利洗人、希未人、耶布斯人一盡滅伊，
20:18 免得𪜶教示恁學一切可惡的事，就是𪜶對佇𪜶的上帝所行的，致到恁得罪耶和華──恁的上帝。
20:19 「你若久久圍困一個城、攻擊欲取伊，就通用斧頭拍歹樹木；因為你通食伊的果子，所以通剉伊，田野的樹木豈是人，互你圍困嗎？
20:20 獨獨你所識是通做食物的樹通剉來毀壞伊，用伊來做攻城的器具，攻擊彼個及你交戰的城，到攻破伊。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。