上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
申命記
摩西重新接受十誡
10:1 ( 出 34:1-10 )
「彼時，耶和華給我講：『你著拍二塊石碑，親像前的款，上山來我遮，閣著做一個柴的櫃。
10:2 你前所拍折許個碑，彼頂面的話我欲寫佇諸個碑的頂面；你著下𪜶佇櫃內。』
10:3 我就用皂莢柴做一個櫃，閣拍二塊石碑，親像前的款，我親手提此二塊碑上山。
10:4 耶和華將伊佇大會的日、佇山頂對火中給你講的十誡，照前所寫的款，寫佇許個碑裡，耶和華就將許個交代我。
10:5 我越轉身落山，將許個碑下佇我所做的櫃，照耶和華的命令，到今猶佇遐。」
（
10:6 以色列人對比羅比尼‧亞干起身，到摩西拉。亞倫死佇遐，就埋葬佇遐。伊的子以利亞撒續接伊擔當祭司的職。
10:7 𪜶對遐起身，到谷歌大，閣對谷歌大到約巴他，就是有溪水的地。
10:8 彼時，耶和華分別利未支派，扛耶和華的約櫃，徛佇耶和華的面前來服事伊，奉伊的名來祝福，到今仔日。
10:9 所以利未佇伊的兄弟中無份無業，耶和華是伊的產業，照耶和華──你的上帝所對伊講的。）
10:10 「我閣親像頭擺𫢶佇山頂四十日四十暝。彼擺耶和華也聽我，耶和華甘滅你。
10:11 耶和華給我講：『你起來做頭行佇百姓的面前，互𪜶入去承接我所對𪜶的列祖咒誓欲互𪜶的地。』」
上帝的要求
10:12 「以色列啊，今耶和華──你的上帝愛你甚麼啊？豈是獨獨愛你敬畏耶和華──你的上帝，行伊一切的道路，疼伊，盡心盡性服事耶和華──你的上帝，
10:13 守耶和華諸個誡命及伊的律例，就是我今仔日所命令你的，為著欲互你得著福氣嗎？
10:14 看啊，天及諸個天的天，地及地上所有的，攏屬耶和華──你的上帝。
10:15 耶和華獨獨歡喜你的列祖，疼𪜶，揀𪜶的後裔佇萬百姓中，就是恁諸個，親像今仔日就是。
10:16 所以恁著給恁的心行割禮，通硬恁的頷頸。
10:17 因為耶和華──恁的上帝──伊是諸個上帝的上帝，諸個主的主，伊是至大的上帝，有能力閣通驚畏的，無用外貌取人，也無受賄賂。
10:18 伊為著孤兒及寡婦判斷，閣疼出外人，互伊食穿。
10:19 所以恁著疼出外人，因為恁也曾出外佇埃及地。
10:20 你著敬畏耶和華──你的上帝，服事伊，結聯伊，指伊的名來咒誓。
10:21 伊是你所謳咾的，是你的上帝，為著你做彼個大閣通驚的事，是你親目所看見的。
10:22 你的列祖七十人落埃及；今耶和華──你的上帝互你親像天頂的星許呢多。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。