上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
新年獻的祭
29:1 ( 利 23:23-25 )
「七月初一，恁著有聖會；攏通做勞動的工，這是恁歕哨角的日。
29:2 恁著獻芳芳的燒祭互耶和華，就是牛牨仔一隻，綿羊牨一隻，未滿年的羊牨仔七隻，攏著無瑕疵的。
29:3 𪜶的素祭用調和油的幼麵粉；為著一隻牛牨獻伊法十份三；為著一隻羊牨獻十份二；
29:4 為著彼七隻羊仔，逐隻著獻十份一。
29:5 閣獻一隻山羊牨作贖罪祭，給恁贖罪。
29:6 諸個是逐月初一的燒祭及伊的素祭，以及常常獻的燒祭及𪜶的素祭以及伊的灌奠，各照伊的例以外，攏做芳芳的火祭獻互耶和華。」
贖罪日獻的祭
29:7 ( 利 23:26-32 )
「七月初十日，恁著有聖會；著刻苦家己的心，攏通做工。
29:8 恁著獻芳芳的燒祭互耶和華，就是牛牨仔一隻，綿羊牨一隻，未滿年的羊牨仔七隻，攏著無瑕疵的。
29:9 𪜶的素祭用調和油的幼麵粉；為著一隻牛牨獻十份三；為著一隻羊牨獻十份二；
29:10 為著彼七隻羊仔，逐隻著獻十份一。
29:11 閣獻一隻山羊牨做贖罪祭。這是佇贖罪祭及常常獻的燒祭，及𪜶的素祭以及𪜶的灌奠以外。」
搭寮仔節獻的祭
29:12 ( 利 23:33-44 )
「七月十五日，恁著有聖會；攏通做勞動的工，著七日久守節服事耶和華。
29:13 恁著獻燒祭做芳芳的火祭互耶和華，就是細隻的牛牨仔十三隻，綿羊牨二隻，未滿年的羊仔十四隻，攏著無瑕疵的。
29:14 𪜶的素祭用調和油的幼麵粉；為著此十三隻牛牨，逐隻牛牨獻十份三；為著二隻綿羊牨，逐隻綿羊牨獻十份二；
29:15 為著彼十四隻羊仔，逐隻羊仔獻十份一。
29:16 也獻一隻山羊牨做贖罪祭，這是佇常常獻的燒祭及伊的素祭及伊的灌奠以外。
29:17 「第二日著獻細隻牛牨仔十二隻，綿羊牨二隻，未滿年的羊仔十四隻，攏著無瑕疵的，
29:18 也為著牛牨、羊牨，及羊仔，續獻伊的素祭伊的灌奠，攏照𪜶的數額，照彼個例。
29:19 也獻一隻山羊牨做贖罪祭。這是佇常常獻的燒祭及伊的素祭及伊的灌奠以外。
29:20 「第三日著獻牛牨仔十一隻，綿羊牨二隻，未滿年的羊仔十四隻，攏著無瑕疵的；
29:21 也為著牛牨、羊牨，及羊仔，續獻伊的素祭伊的灌奠，攏照𪜶的數額照彼個例。
29:22 也獻一隻山羊牨做贖罪祭。這是佇常常獻的燒祭及伊的素祭及伊的灌奠以外。
29:23 「第四日著獻牛牨仔十隻，綿羊牨二隻，未滿年的羊仔十四隻，攏著無瑕疵的；
29:24 也為著牛牨、羊牨，及羊仔，續獻伊的素祭伊的灌奠，攏照𪜶的數額照彼個例。
29:25 也獻一隻山羊牨做贖罪祭。這是佇常常獻的燒祭及伊的素祭及伊的灌奠以外。
29:26 「第五日著獻牛牨仔九隻，綿羊牨二隻，未滿年的羊仔十四隻，攏著無瑕疵的；
29:27 也為著牛牨、羊牨，及羊仔，續獻伊的素祭伊的灌奠，攏照𪜶的數額照彼個例。
29:28 也獻一隻山羊牨做贖罪祭。這是佇常常獻的燒祭及伊的素祭及伊的灌奠以外。
29:29 「第六日著獻牛牨仔八隻，綿羊牨二隻，未滿年的羊仔十四隻，攏著無瑕疵的；
29:30 也為著牛牨、羊牨，及羊仔，續獻伊的素祭，伊的灌奠，攏照𪜶的數額照彼個例。
29:31 也獻一隻山羊牨做贖罪祭。這是佇常常獻的燒祭及伊的素祭及伊的灌奠以外。
29:32 「第七日著獻牛牨仔七隻，綿羊牨二隻，未滿年的羊仔十四隻，攏著無瑕疵的；
29:33 也為著牛牨、羊牨、及羊仔，續獻伊的素祭，伊的灌奠，攏照𪜶的數額照彼個例。
29:34 也獻一隻山羊牨做贖罪祭。這是佇常常獻的燒祭及伊的素祭及伊的灌奠以外。
29:35 「第八日恁著有嚴肅會；攏通做勞動的工；
29:36 恁著獻燒祭做芳芳的火祭互耶和華，就是牛牨一隻，綿羊牨一隻，未滿年的羊仔七隻，無瑕疵的；
29:37 也為著牛牨、羊牨，及羊仔，續獻伊的素祭伊的灌奠，攏照𪜶的數額，照彼個例。
29:38 也獻一隻公的山羊做贖罪祭。這是佇常常獻的燒祭及伊的素祭及伊的灌奠以外。
29:39 「佇恁諸個節期著用諸個獻互耶和華，攏佇所下的願及甘心所獻的以外，做恁的燒祭、素祭、灌奠，及平安祭。」
29:40 耶和華所命令摩西的，摩西就照按呢攏給以色列人講。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。