上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
西羅非哈的查某子
27:1 屬約瑟的子瑪拿西的族，有瑪拿西的元孫，瑪吉的曾孫，基列的孫，希弗的子西羅非哈的查某子，名叫瑪拉、挪阿、曷拉、密迦、得撒。
27:2 𪜶進前來，徛佇會幕門口，佇摩西及祭司以利亞撒，以及眾首領及會眾的面前，講：
27:3 「阮老父死佇曠野。伊是佇可拉的黨內同黨聚集攻擊耶和華，是佇家己的罪中死；伊也無子。
27:4 啥事因為阮老父無子，就將伊的名對伊的族中除去啊？請佇阮老父的兄弟中分業互阮。」
27:5 摩西就將𪜶的案件排列佇耶和華的面前。
27:6 耶和華吩咐摩西講：
27:7 「西羅非哈的查某子所講的有情理。你的確著佇𪜶老父的兄弟中，分地互𪜶做業；著將𪜶老父的產業歸互𪜶。
27:8 你也著吩咐以色列人講：『人若死無子，就著將伊的產業歸互伊的查某子。
27:9 伊若無查某子，就著將伊的業互伊的兄弟。
27:10 伊若無兄弟，就著將伊的業互伊的老父的兄弟。
27:11 伊的老父若無兄弟，就著將伊的業互伊的族中至親的，伊就得著做業。』這欲做以色列人斷定著的例，是照耶和華所吩咐摩西的。」
約書亞受選做摩西的承接人
27:12 ( 申 31:1-8 )
耶和華對摩西講：「你上此個亞巴琳的山，看我賞賜以色列人的地。
27:13 看了後，你也欲倒祖，親像你的兄亞倫倒去一樣。
27:14 因為恁佇尋的曠野，當會眾計較的時，違背我的話，無佇淐出水的所在、會眾的面前尊我做聖。」（此個水就是佇尋的曠野加低斯的米利巴的水。）
27:15 摩西對耶和華講：
27:16 「賞賜活命互見若有肉體者的上帝耶和華啊，願你設立一人來治理會眾，
27:17 通佇𪜶的面前出去，也佇𪜶的面前入來，通導𪜶出去也導𪜶入來，免得耶和華的會眾親像無牧者的羊群一般。」
27:18 耶和華對摩西講：「嫩的子約書亞，伊的心內有聖神；你導伊來，按手佇伊的頂面，
27:19 互伊徛佇祭司以利亞撒及全會的面前，用職任命令伊，
27:20 閣對你的榮光分互伊，互以色列的全會攏聽趁伊。
27:21 伊著徛佇祭司以利亞撒的面前；以利亞撒著照烏陵的判斷，佇耶和華的面前替伊求問。伊及以色列全會的眾人攏著照伊的命令來出照伊的命令來入。」
27:22 摩西就照耶和華所命令伊的來行，伊導約書亞來，互伊徛佇祭司以利亞撒及全會的面前，
27:23 按手佇伊的頂面，用命令交託伊，是照耶和華託摩西所講的話。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。