上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
以色列人佇毗珥
25:1 以色列人𫢶佇什亭，百姓就及摩押的查某囝仔行淫亂。
25:2 𪜶獻祭𪜶的上帝，請百姓來赴，百姓食𪜶的祭物，續跪拜𪜶的上帝。
25:3 以色列人及巴力‧毗珥聯合，耶和華就對以色列人發受氣。
25:4 耶和華對摩西講：「將百姓攏總的族長當頭白日吊死佇耶和華的面前，互耶和華的大受氣通對以色列消無。」
25:5 摩西就對以色列的審判官講：「見若屬恁的人，有及巴力‧毗珥聯合的，恁著刣死伊。」
25:6 摩西及以色列會眾抵仔佇會幕門口啲哭的時，忽然有以色列中一人，當𪜶目睭前，帶一個米甸的婦仁人到伊的兄弟遐。
25:7 祭司亞倫的孫，以利亞撒的子非尼哈看見，就對會中起來，手裡攑槍，
25:8 隨以色列人入亭仔內，鑿死二人，就是鑿透以色列人及彼個婦仁人的腹肚。按呢，佇以色列人的中間瘟疫就息。
25:9 彼時抵著瘟疫死的，二萬四千人。
25:10 耶和華吩咐摩西講：
25:11 「祭司亞倫的孫，以利亞撒的子非尼哈，互我所發的受氣消無佇以色列人；因為伊佇𪜶中間，用我的妒忌做妒忌，互我佇妒忌中無滅無𪜶。
25:12 所以，你著講：『看啊，我用我平安的約賞賜伊。
25:13 欲做伊及伊的後裔，永遠做祭司的職的約；因為伊為著伊的上帝有妒忌的心，閣為著以色列人贖罪。』」
25:14 彼個受刣的以色列人，就是及米甸的婦仁人相及受鑿死的，名叫心利，是撒路的子，是西緬支派中一族的首領。
25:15 彼個受鑿死米甸的婦仁人，名叫哥斯比，是蘇珥的查某子；此個蘇珥是米甸的百姓一族的頭人。
25:16 耶和華吩咐摩西講：
25:17 「你著窘迫米甸人，閣拍𪜶；
25:18 因為𪜶用詭譎的計謀窘迫恁，佇毗珥的事及𪜶的姊妹、米甸首領的查某子哥斯比的事，用詭譎的計謀引誘恁；此個哥斯比，當瘟疫流行的日，因為毗珥的事已經受鑿死。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。