上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
血的神聖
17:1 耶和華吩咐摩西講：
17:2 「你著吩咐亞倫及伊許個子及以色列的眾人講，耶和華所命令的就是按呢講：
17:3 見若屬以色列家的人刣牛牨，抑是綿羊仔，抑是山羊，無論刣佇營內抑是刣佇營外，
17:4 若無代先牽到會幕門口、來耶和華的會幕前獻互耶和華做禮物，刺血的罪欲歸佇彼人。伊有刺血，彼人欲對伊的百姓中剪除。
17:5 這是為著以色列人將𪜶佇田野所獻的祭帶到會幕門口、耶和華的面前，交互祭司，獻互耶和華做謝恩的祭。
17:6 祭司著將血灑佇會幕門口、耶和華的壇頂，將油燒做芳芳的味，獻互耶和華。
17:7 𪜶通閣獻祭佇𪜶行邪淫所趁的鬼怪；這欲做𪜶逐世代永遠的例。
17:8 「你著對𪜶講：見若屬以色列家的人，抑是寄腳佇𪜶中間的外人，獻燒祭抑是祭物，
17:9 若無帶到會幕門口獻互耶和華，彼人著對伊的百姓中受剪除。
17:10 「見若屬以色列家的人，抑是寄腳佇𪜶中間的外人，若食甚麼血，我欲對彼個食血的人變面，對伊的百姓中剪除伊。
17:11 因為肉的活命在佇血。我用伊賞賜恁，通佇壇頂為恁的活命贖罪；因為血內有活命，所以會贖罪。
17:12 所以，我對以色列人講：恁攏通食血；寄腳佇恁中間的外人也通食血。
17:13 見若以色列人，抑是寄腳佇𪜶中間的外人，若拍獵得著會食得的禽獸，著刺伊的血出來，用土蓋伊。
17:14 「論到一切有肉身的活命，伊的血就是伊的活命。所以我對以色列人講：無論甚麼肉身的血，恁攏通食，因為一切肉身的活命就是伊的血。見若食伊的人，的確受剪除。
17:15 見若食家己死的物，抑是互野獸拆裂的，無論是本地人，抑是外人，的確無清氣到下昏，攏著洗伊的衫，用水洗身軀，到下昏才清氣。
17:16 總是伊若無洗衫，洗身軀，就著擔當伊的罪過。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。