上一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
22:1 天使閣報我看城內街路中有活命水的河，清亮親像水晶，對上帝及羊羔的座位流出。
22:2 河的雙旁有活命的樹，結十二樣的果子，每月結伊的果子；伊的樹葉做醫治列邦的路用。
22:3 攏無閣有咒詛；是上帝及羊羔的座位欲住佇遐；伊的奴僕欲服事伊，
22:4 也欲看見伊的面。閣伊的名佇𪜶的頭額。
22:5 無閣有暝時；也無欠用燈的光及日的光，因為主上帝欲照光𪜶。也𪜶欲做王，到代代無盡。
基督再臨
22:6 閣給我講：「諸個話是通信是真實。主就是先知人的神的上帝，有差伊的天使，將緊緊的確欲成的事指示伊的奴僕。」
22:7 「我緊緊到！守此本冊讖語的話的有福氣！」
22:8 我約翰就是聽見、閣看見許個事的；已經聽見、閣看見，就仆落佇天使的腳前欲拜伊，彼個天使就是將諸個事指示我的。
22:9 伊給我講：「千萬通！我及你以及你的兄弟，就是諸個先知，及守此本冊的話的，平平是做奴僕。你著拜上帝。」
22:10 閣給我講：「莫得封此個冊所有讖語的話，因為日期近啦。
22:11 不義的，互伊猶原不義；污穢的，互伊猶原污穢；義的，互伊猶原行義；聖的，互伊猶原做聖。」
22:12 「我緊緊到！報應在佇我，欲照逐人的所做來報伊。
22:13 我是阿利法閣是奧美加；是頭一個，是路尾的；是起頭，是煞尾。」
22:14 洗清𪜶的衫的人有福氣！欲互𪜶有權佇活命的樹，閣對諸個門入城。
22:15 佇外面就有許個狗、行邪術的、行淫亂的、刣人的、拜偶像的，及一切好白賊來行伊的。
22:16 「我──耶穌已經差我的天使為著諸個教會，對恁證明諸個事。我是大衛的根頭，閣是伊的後裔。是光光的啟明星。」
22:17 聖神及新娘攏講：「來！」聽見的人著講：「來！」嘴乾的人著來；意愛的人，通白白得著活命的水。
警戒加減此本冊的預言
22:18 我對凡若聽此本冊讖語的話的人做干證，設使有人加添伊，上帝欲將此本冊所記的災禍加添佇伊；
22:19 設使有人刪除此本讖語的冊的話，上帝也欲對此本冊所記活命的樹及聖城，刪除伊的份額。
22:20 干證諸個事的講：「著，我緊緊到！」阿們！主耶穌啊，你著來！
22:21 願主耶穌的恩典及眾聖徒相及佇啲。阿們！
上一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。