上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
十四萬四千人的歌
14:1 我閣看，看見羊羔徛佇郇山，及伊佇啲的有十四萬四千人，攏有羊羔的名及伊的父的名寫佇𪜶的頭額。
14:2 我聽見對天有聲，親像多多條水的聲亦親像雷大鳴的聲，閣我所聽的聲有親像彈琴的啲彈𪜶的琴。
14:3 𪜶佇座位前，亦佇四個活物及長老的面前，所吟的親像新的詩；彼個詩無人會學習，獨獨對地上受買出的十四萬四千人會若定。
14:4 諸個人是曾染著女色的，是貞潔的人。諸個人是隨羊羔，無論叨落去。諸個人是對人的中間受買出，做起頭熟的果子獻互上帝及羊羔的。
14:5 𪜶的嘴無白賊；𪜶是無瑕疵的。
三個天使的信息
14:6 我閣看見別個天使飛佇天中，有永遠的福音通傳互𫢶佇地裡的人，亦互逐邦國、逐種族、逐號腔口，逐樣百姓。
14:7 伊大聲講：「著敬畏上帝，將榮光歸互伊！因為伊審判的時到啦。亦著拜彼個創造天地海以及諸個水泉的。」
14:8 閣有別個天使是第二個，隨佇後面講：「倒壞啊！倒壞啊！大的巴比倫就是互萬邦飲伊淫亂、惹著受氣的酒的。」
14:9 閣有別個天使第三個，隨𪜶，大聲講：「若有拜獸及伊的像，以及受蓋印的記號佇頭額抑是佇伊的手裡的，
14:10 伊也欲飲上帝大受氣的酒；就是無透的，斟佇伊受氣的酒杯。閣欲佇聖天使的面前及羊羔的面前，受著火及硫磺的苦楚。
14:11 𪜶受苦楚的煙淐上高，代代無息。閣拜獸及伊的像，以及受伊的名蓋印的記號的，日暝無通得著安息。」
14:12 聖徒的吞愞是在佇此個；這就是守上帝的誡及守耶穌的信的。
14:13 我聽見對天有聲講：「你著寫伊：今以後，佇主來死的死人有福氣！」聖神講：「是啦，互𪜶息𪜶的著磨來安息，𪜶所做的工也隨𪜶。」
地上的收割
14:14 我閣看，看見有白的雲，有親像人子的坐佇雲的頂面，頭殼戴金的冕旒，手攑利的鍥仔。
14:15 閣有別個天使對殿裡出來，對彼個坐佇雲的頂面的大聲叫講：「著伸出你的鍥仔來割；因為收割的時已經到，是地上的五穀已經熟啦。」
14:16 坐佇雲裡的，就㧒伊的鍥仔佇地裡，地上的五穀就收割。
14:17 閣有別個天使對天裡的殿出來，伊也攑利的鍥仔。
14:18 閣有別個天使對祭壇出來，就是有權通治理火的，大聲對攑利鍥仔的叫講：「伸出你利的鍥仔，收地上歸球的葡萄，因為葡萄到水啦！」
14:19 天使就㧒伊的鍥仔佇地裡，來收地上的葡萄，㧒落上帝大受氣的酒窟。
14:20 彼個酒窟佇城外受踏，就有血對酒窟出，高到抵著馬咬韁，遠約略六百里。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。