上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
二隻獸
13:1 我閣看見一隻獸對海裡起來，有十支角七個頭，許個角戴十頂王帽，頭殼頂有謗瀆的名。
13:2 我所看見的獸，親像豹，伊的腳親像熊的腳，嘴親像獅的嘴。龍用伊的才能、伊的座位，及大權互伊。
13:3 我亦看見許個頭殼的一個，親像受刣到死，伊致到死的傷得著醫好。通世界奇怪來隨彼隻獸，
13:4 閣拜龍──因為伊曾用權互獸，亦拜獸，講：「是誰親像獸啊？閣是誰會及伊交戰啊？」
13:5 閣有一個嘴互伊啲講大事及謗瀆的話，閣有互伊權來行代誌四十二月日。
13:6 伊就開嘴，講出謗瀆上帝的話，來謗瀆伊的名及伊的會幕，及許個𫢶佇天裡的。
13:7 閣有互伊權通及聖徒交戰，來卡贏𪜶；閣有互伊權來治理逐種族、逐號百姓、逐號腔口、逐邦國。
13:8 徛起地面上的人，𪜶的名無記佇活命冊的，攏欲拜獸，此個冊就是對創造世間的時受刣的羊羔者。
13:9 凡若有耳孔的，著聽！
13:10 若有掠人的，亦欲互人掠；
用刀刣人的，亦欲受刀刣。
聖徒的吞愞及信在佇此個。
13:11 我閣看見別隻獸對地裡起來，有二支角親像羊羔，伊的講話親像龍。
13:12 閣將頭一隻獸的權，攏行佇伊的面前，閣互地及徛起地上的人拜頭一隻獸，就是彼隻抵著致到死的傷閣得著醫好的。
13:13 閣行大神蹟，甚至佇人的面前，互火降落地。
13:14 閣對伊所得著行佇獸的面前諸個神蹟，來迷惑徛起地上的人，給徛起地上的人講：「著給彼隻抵著刀傷猶原活啲的獸做像。」
13:15 閣有權互伊，通用活氣入佇獸的像，互獸的像會講話，亦互見若無拜獸的像的抵著刣。
13:16 伊亦互眾人，無論大細、好額喪鄉、自由的、做奴僕的，攏受蓋印的記號，或是佇正手抑是佇頭額。
13:17 人若無彼個蓋印的記號、就是獸的名抑是伊的名數額，就𣍐得著買賣。
13:18 智識在佇這：有聰明的，著算獸的數額；因為是人的數額，伊的數額就是六百六十六。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。