上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
啟示錄
婦仁人及龍
12:1 閣有大兆頭出現佇天裡：一個婦仁人身軀穿日頭，伊的腳下有月，頭殼戴十二粒星的冕旒。
12:2 亦有懷孕，因為欲生子的艱苦，痛疼就喉叫。
12:3 閣有別個兆頭出現佇天裡：有大尾赤色的龍，七個頭十支角；頭殼戴七頂王帽。
12:4 伊的尾拖天頂的星三份的一份，墜落地。龍徛佇欲生子的婦仁人的面前，聽候伊生了，就欲吞伊的子。
12:5 婦仁人生查甫子，就是欲用鐵枴治理萬邦的；伊的子受帶到佇上帝以及伊的座位。
12:6 婦仁人就走去曠野，佇遐有上帝所備辦的所在，互伊佇遐得著養飼一千二百六十日。
12:7 佇天裡就有交戰。米迦勒導伊的差使去及龍交戰，龍亦導伊的差使去交戰，
12:8 𣍐會贏，佇天裡𪜶就無閣有所在。
12:9 彼尾大龍就受㧒落，就是老蛇，稱做魔鬼，亦稱做撒但，迷惑普天下的。伊受㧒落佇地裡，伊的差使亦及伊受㧒落。
12:10 我就聽見佇天裡有大聲講：「咱的上帝的拯救、及權能、及國，以及伊的基督的權，今攏到啦！因為控告咱的兄弟的，就是暝日佇咱的上帝的面前控告𪜶的，今已經受㧒落啦。
12:11 𪜶因為羊羔的血及𪜶所干證的道理，來卡贏伊。雖然到死，亦無疼惜𪜶的生命。
12:12 所以，諸個天及徛起佇彼中間的，恁著歡喜！若是地及海有災禍！因為魔鬼已經落到恁遐，有大受氣，因為知伊的時無偌久。」
12:13 龍看見本身受㧒佇地裡，就窘逐彼個生查甫子的婦仁人。
12:14 就有大鷹的二支翅互婦仁人，互伊飛去曠野，到伊的所在，離開蛇的面前；佇遐得著養飼一期候閣二期候閣半期候。
12:15 蛇佇婦仁人的後面，對伊的嘴吐出水，親像河，欲給伊流去。
12:16 地幫助婦仁人，就開嘴吞龍所吐出的河水。
12:17 龍受氣婦仁人，就去及婦仁人其餘的後裔交戰，就是守上帝的誡、有耶穌的干證的。彼時龍就徛佇海邊的沙頂。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。