上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
彼得前書
做上帝恩典的管家
4:1 今基督既然佇肉體受苦，就恁也著用此號心志做戰器，因為已經佇肉體受苦的，有及罪息。
4:2 致到恁此霎以後，佇肉體猶活的時日無趁人的私慾，是趁上帝的旨意。
4:3 因為以前的日恁趁外邦人的意愛，行佇邪淫、私慾、酒醉、放縱、宴樂，及諸個逆法拜偶像的事，時已經夠額啦。
4:4 今恁及𪜶走到佇平平放蕩的極頭，𪜶就為著按呢奇怪，來誹謗。
4:5 𪜶欲對彼個便便欲審判活人死人的主來家己排列。
4:6 因為，福音也曾傳互死人，是欲互𪜶佇肉體照人受審判，佇神照上帝會活。
4:7 若是萬事的結局近啦。所以，著自在，節制來祈禱。
4:8 第一要緊，大家著切切相疼，因為疼是遮蓋多多罪過。
4:9 大家相接待，莫得耦耦唸。
4:10 逐人照所受的恩賜相服事，做上帝百般恩典的管家。
4:11 若有宣講的，著親像宣講上帝的詔命；有相服事的，著親像用上帝所賞賜的力，互上帝對耶穌基督佇萬事會得著榮光。伊有榮光、有權能，到代代無息。阿們！
為著做基督徒受苦
4:12 所疼的兄弟啊，佇恁中間所有親像火的試煉，通奇怪伊（那親像抵著非常的事）；
4:13 獨獨著因為有份佇基督的艱苦，來歡喜；互恁也佇伊榮光顯現的時，歡喜快樂。
4:14 恁為著基督的名互人罵，有福氣；因為榮光的神就是上帝的神安息佇恁。
4:15 因為恁中間通有人為著做兇手、做賊、行歹，抑是因為插別人的事來受苦。
4:16 總是人若為著是基督徒來受苦，就莫得見誚，著佇此個名歸榮光上帝。
4:17 因為時到啦，審判對上帝的家代先。若是對咱起頭，就許個信趁上帝福音的人，𪜶的結局欲怎樣啊？
4:18 義的人若僅僅得救，就無敬虔的及有罪的人欲徛佇甚麼所在啊？
4:19 所以，照上帝的旨意受苦的著用好品行，將𪜶的靈魂交代信實造化的主。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。