上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
彼得前書
請安
1:1 耶穌基督的使徒彼得批寄互四散徛起佇本都、加拉太、加帕多家、亞西亞、庇推尼受揀選的出外人，
1:2 就是照父上帝的代先知，在佇神的感化做聖，到佇順服，閣得著耶穌基督的血灑的。願恩典、平安加添多多互恁。
活的向望
1:3 願咱的主耶穌基督的上帝，也是伊的父得著謳咾！伊照伊的大憐憫，用耶穌基督對死人中復活，曾重再生咱，來得著活的向望，
1:4 也得著續接𣍐敗壞、𣍐垃墋、𣍐衰退的業、為著恁保守佇天裡的。
1:5 恁是對信互上帝的權能保護，到得著拯救、是便便佇末期欲顯明的。
1:6 因為按呢，恁真快樂；雖然現今，若應該著佇百樣的試煉來暫時憂悶，
1:7 互恁的信的經驗，比彼個曾過火鍛煉，也猶原會敗壞的金猶卡寶貝的，佇耶穌基督顯現的時，得著謳咾、榮光、尊貴。
1:8 恁曾看見伊，也疼伊；現今無看見，猶久信伊，就對彼個講𣍐出、滿滿有榮光的歡喜來快樂；
1:9 得著恁信的結局，就是神魂的得救。
1:10 論此個救，代先講論欲到佇恁的恩許個先知也有勤勤查考講究，
1:11 基督的神𫢶佇𪜶的，代先干證基督所抵著的艱苦，及後來諸個榮光，𪜶查考神所指明的是甚麼期，抑是甚麼款式的期。
1:12 𪜶得著指示，知是為著家己，是為著恁諸個。來做差用佇諸個代誌，就是現今許個倚靠對天所差的聖神來傳福音互恁的人，所有給恁講的；天使也致意省察諸個事。
應該過聖潔的生活
1:13 所以恁的心著縖腰，著切制，專心向望佇耶穌基督顯現的時所欲賞賜恁的恩典。
1:14 親像順趁的子，無趁早前佇恁知影的時的私慾，
1:15 就是親像召恁的是聖。恁本身也著做聖，佇一切的行做。
1:16 因為有記載講：「恁著做聖，因為我是聖。」
1:17 無用外貌取人、是照逐人的行做來審判的，恁若求叫伊做父，就著存驚畏來經過恁寄腳佇世間的時陣，
1:18 因為知恁受贖，脫出對祖公所流傳空空的行做，是用會敗壞的物，或是銀抑是金，
1:19 是用寶血，親像無瑕疵、無污穢的羊仔的就是基督的血。
1:20 伊佇未創造世間的時是所代先知的，就佇諸個時的路尾為著恁著現的。
1:21 恁對伊來信上帝，就是互伊對死人中復活的、也互伊榮光，致到恁的信及向望向佇上帝。
1:22 恁對順趁真理，已經清氣恁的神魂，致到疼兄弟無假，就著對心切切相疼。
1:23 恁已經重頭生，是對會敗壞的種，是對𣍐敗壞的種，對上帝的道理是活是久長佇啲的。
1:24 因為
肉體攏親像草；
伊的榮光攏親像草的花。
草乾，花謝；
1:25 獨獨主的話永遠佇啲。
此個話就是所傳互恁福音的話。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。