上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
雅各書
及世間做朋友
4:1 恁中間諸個爭戰對叨落來，諸個相爭對叨落來？豈是對恁的宴樂，交戰佇恁百體中的來嗎？
4:2 恁貪戀，也無所有；恁刣人、怨妒，也𣍐得著。恁相爭爭戰，恁無所有，因為恁無求。
4:3 恁求也無得著，因為濫糝求，是欲開用伊佇恁的宴樂。
4:4 恁諸個淫婦啊，豈知及世間做朋友是及上帝做對敵嗎？所以見若愛做世間的朋友的，就是做上帝的對敵。
4:5 抑是恁拍算聖經是空空講嗎？伊所賞賜咱的神，豈戀慕到佇怨妒嗎？
4:6 若是伊賞賜卡大的恩，所以講：
上帝抵敵驕傲者，
賞賜恩互謙卑者。
4:7 所以，恁著順服上帝。也著抵敵魔鬼，伊就走閃恁。
4:8 親近上帝，伊就親近恁。恁犯罪者，著洗恁的手！二樣心的人，著清氣恁的心！
4:9 著憂苦、哀傷、啼哭，恁的笑著換做哀傷，恁的歡喜著換做憂悶。
4:10 著家己謙卑佇主的面前，伊就欲高升恁。
批評兄弟
4:11 兄弟啊，莫得相誹謗。誹謗兄弟，抑是批評伊的兄弟的，就是誹謗律法，批評律法。你若批評律法，就是行律法的，就是做批評的。
4:12 立法的、批評的，只有一個，伊會救也會滅。你是甚麼人，啲批評厝邊啊？
警戒誇口者
4:13 今，恁啲講：「今仔日抑是明仔日，阮欲去某個城，住佇遐一年久，做生理趁錢。」
4:14 若是明仔日的事，恁猶知。恁的活命是怎樣？恁是雲霧暫時出現，後來就無看見。
4:15 恁卡好著按呢講：「主若願，阮就會活，也欲做此項、彼項。」
4:16 今恁用諸個品嗙的事啲誇口；凡若此號的誇口攏是歹。
4:17 所以知有好著行，也行的，就是伊的罪。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。