上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
拿答及亞比戶犯罪
10:1 亞倫的子拿答、亞比戶逐個提家己的香爐，貯火，及香，佇耶和華的面前獻別號的火，是伊所無命令𪜶的，
10:2 就有火對耶和華的面前發出，來燒𪜶，𪜶就死佇耶和華的面前。
10:3 摩西對亞倫講：「這是耶和華所講的，伊講：『我欲佇親近我的人顯明做聖；佇眾百姓的面前，我欲得著榮光。』」亞倫也靜靜。
10:4 摩西叫亞倫的叔烏設的子米沙利、以利撒反來，給𪜶講：「進前來，將恁的親人對聖所的面前扛到營外。」
10:5 𪜶二人進前來，就𪜶所穿的衫扛出營外，是照摩西所命令的。
10:6 摩西對亞倫及伊的子以利亞撒、以他瑪講：「通拍散頭毛，也通拆裂衫，免得恁死，閣免得耶和華受氣會眾；獨獨恁的兄弟以色列全家為著耶和華所發出的火來哀哭。
10:7 恁也通出會幕門，驚了恁會死，因為耶和華的油抹佇恁的身軀。」𪜶就照摩西的話來行。
祭司的條例
10:8 耶和華吩咐亞倫講：
10:9 「你及你的子入會幕的時，薄酒、厚酒攏通飲，免得恁死；這欲做恁逐世代永遠的例。
10:10 互恁通分別聖及無聖者，無清氣及清氣者。
10:11 閣互恁通將耶和華託仗摩西吩咐以色列人一切的律例教示𪜶。」
10:12 摩西對亞倫及伊所剩的子以利亞撒、以他瑪講：「恁提耶和華火祭所剩的素祭，著佇壇邊食伊通參酵，因為是至聖者。
10:13 恁著食伊佇聖的所在；因為佇獻互耶和華的火祭中，這是你的份額及你的子的份額；所命令我的就是按呢。
10:14 所搖的胸，所舉起的腿，恁著佇清氣的所在食伊。你及你的子你的查某子攏著相及食；因為諸個是對以色列人謝恩祭中互你，做你的份額及你的子的份額。
10:15 所舉起的腿，所搖的胸，𪜶著及火祭的油相及帶來，做搖祭佇耶和華的面前搖伊；這著歸你及你的子，做永遠得著的份額，攏是照耶和華所命令的。」
10:16 彼時摩西致意尋做贖罪祭的山羊牨，看啊，已經燒去，就受氣亞倫所剩的子以利亞撒、以他瑪講：
10:17 「此個贖罪祭已經是至聖者，伊閣用彼個歸互恁，來擔當會眾的罪過，佇耶和華的面前給𪜶贖，恁啥事無食伊佇聖的所在啊？
10:18 看啊，彼個血無帶入聖所內，恁本著食伊佇聖所，照我所命令的。」
10:19 亞倫對摩西講：「看啊，今仔日𪜶佇耶和華的面前獻𪜶的贖罪祭及𪜶的燒祭，我閣抵著親像按呢，我若今仔日食贖罪祭，耶和華豈會看做好嗎？」
10:20 摩西聽見，就掠此個話做好。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。