上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
提摩太後書
4:1 我佇上帝的面前，及欲審判活人死人的基督耶穌的面前，為著伊的顯現及伊的閣來，吩咐你：
4:2 著傳道理，無論得時不得時，著專務伊；用百般的寬容、教示、來責備、警戒、勸勉。
4:3 因為時日欲到，人欲容允端正的教示，欲耳孔癢，愛聽多多先生，照家己的私慾，
4:4 閣越頭聽真理，去向無影的話。
4:5 獨獨你凡事著節制，忍受艱苦，行傳福音者的工，來盡你的職份。
4:6 因為今我的血啲做灌奠，我過世的期到啦。
4:7 我已經爭戰好的爭戰，已經盡跑走的路站，已經守所信的道理。
4:8 今了後，有義的冕旒給我備辦下啲，就是主做公義的審判司佇彼日欲互我；若互我，也欲互見若欣慕伊顯現的人。
私事的吩咐
4:9 你著致意緊緊來尋我。
4:10 因為底馬欣慕此個世間，就離開我，去帖撒羅尼迦，革勒士去加拉太，提多去撻馬太，
4:11 只有路加及我佇啲。著導馬可及你相及來，因為伊佇服事的工有利益我。
4:12 推基古我已經差伊去以弗所。
4:13 我佇特羅亞留佇加布𪜶兜的外衫，你來的時著續帶來，也著帶許個冊，許個羊皮的閣卡要緊。
4:14 拍銅師傅亞力山大多多項害我；主欲照伊的所行來報應伊。
4:15 你也著張持伊，因為伊不止對敵阮的話。
4:16 我頭一擺分訴的時，無人倚近我，眾人攏離開我；願此個罪無歸佇𪜶。
4:17 若是主徛佇我身邊，互我勇健，互所著宣傳的對我來一盡報揚，閣互外邦攏聽見；我也得著救出佇獅的嘴。
4:18 主欲救我脫離攏總的歹代，也欲救我入佇伊天裡的國。願榮光歸伊，到代代無盡。阿們。
請安及祝福
4:19 請安百基拉、亞居拉，及阿尼色弗的家。
4:20 以拉都𫢶佇哥林多。特羅非摩破病，我留伊佇米利都。
4:21 著致意佇冬天前來。友布羅、布田、利奴、革老爹，及眾兄弟攏請安你。
4:22 願主及你的神佇啲。願恩典及恁佇啲！
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。